大家好嗎？今日喺八月三十日，即喺學開前兩日，唔知大家今個暑假有咩搞作呢？如果你問我既話，我覺得我過得好唔充實。

今日同R討論花名，佢唔想我哋叫佢做臭榮，叫佢做Ringo好啲。而我都諗起咗好多關於花名既問題。

唔知每個人細個既時候，係咪都會改啲花名嚟叫呢？如果你問起我既花名，真喺多到我都唔記得。小學既時候好似叫「汪瑞」、「汪魚」，其實個汪字喺黃字咁解，喺諧音嚟既。汪瑞喺我個名頭兩個字，至於汪魚呢，我真喺唔記得喇。以前我哋讀小學果陣時，啲男仔最鍾意改人花名，我仲記得有「蛋杰」、「遮魚」。講比大家知啦，Peter以前比我哋叫佢做「伍魚」嫁，哈哈！

上咗中學之後，我果兩個花名都冇人叫喇。啲同學仔叫我做「安睡」，喺我個名最尾果兩隻仔倒轉嚟讀，初初聽落都幾過癮喎，唔知喺邊個改既呢？

另外我仲有個網名既，就喺「御風先生」。好多人都問過我，點解會改個咁既名。等我今日講比大家知啦，其實喺我小六果時玩過一隻叫「武林群俠傳」既遊戲，當輕功練到一百，就得到咗「御風尊者」既稱號。見個名幾型仔，又喺我第一個稱號，咁就「借」咗嚟用囉。但喺又唔想抄人，所以先改咗做「御風先生」。

其實呢啲花名聽落真喺幾惡頂，但喺又好有意思嗰喎。或者我哋依家仲喺學生哥，日日返學都叫對方花名，聽慣左冇咩感覺。但喺如果大嗰咗之後聽返啲朋友仔叫自己個花名，又真喺有種幾warm，會心微笑既感覺，唔知算唔算喺友情既象徵呢？

點都好啦，花名都算喺一種回憶，未有花名既你，快啲改返個啦！