每件事情既背後，一定會有佢存在既意義，視乎你點樣去睇佢。
今日喺八月三十一日，呢個日子相信大家都好清楚，喺開學前一日。眼見有唔少同學亡命咁樣趕功課，真喺有啲無奈。
其實佢哋做緊既嘢，我都做過。我仲記得上年臨開學嗰一、兩日，我先開始做功課，嗰陣時喺全日無間斷咁趕功課，唔單止見到空白既答案線，仲要驚做唔切嗰種恐懼，真喺幾難受。嗰陣時好後悔，點解暑假一開始唔做功課？點解開學前兩日先開始做？不過怨又有咩用丫？結果咪又喺要死死氣咁做。仲要做都做唔切，搞到要抄人咁折墮！會搞到咁既局面，喺因為我一開始唔肯做，一味去逃避，到頭來辛苦既又喺自己，咁樣攞苦嚟辛，依家諗返都覺得自己好蠢！
今年既情況就好啲啦，我每日都會做功課，間唔中有一兩日偷下懶，不過到今日都喺順利完成，仲有時間同Peter對吓答案。
我諗如果上年唔喺咁折墮，刻咗嗰咁深既烙印，恐怕我今年都喺唔知驚，到最後果一兩日先嚟後悔。雖然上年果段經歷喺咁折墮、咁不堪回首，不過從錯誤中學習都喺必需既。
就算喺壞事，都唔代表佢冇價值。唔喺叫你去做壞事，只喺想叫你從壞事中刻上烙印，後悔之餘都要有不甘，記住以後唔好再犯。
|
