今日喺陸運會最後一日，所以會有閉幕禮，即喺代表制服團體同四社代表要喺烈日當空下企好耐。

四社既代表都算好，起碼可以郁動吓。

不過制服團體就要維持Stand at ease既姿勢，至於嗰姿勢喺點，大家今日都見到嫁啦，我唔多講。

我初頭以為應付到，點知中咗暑……

日射病：是因夏季烈日曝曬所致的中暑。因為血管收縮不穩，血液滯留在四肢或內臟，相對性的腦貧血，或稱為熱昏倒。

我啲血氣運行不暢順，隻眼又開始睇唔到嘢，而且仲搖擺不定。

到底應該撐落去，定喺就咁趴低等人抬走呢？

呢個問題，根本唔需要諗，因為我兩年前都試過呢個情況。當年我都撐得住，冇理由今年會唔得既。

好彩，喺黃校長講嘢既時候，我啲血氣順返，睇到嘢啦。

然後降校旗果陣，要right turn，我先發覺隻腳重到抬唔起，所以之後啲抬腿都炒哂。

放學果陣，唔知喺唔喺中暑既後遺症，成個人都呆呆滯滯咁。

個個都話要去michael屋企，唯有自己一個返屋企，唔知會唔會行行吓訓喺條街到呢？(好彩冇)

返到屋企，即刻百病纏身。

喉嚨勁痛︰尋日已經開始，可能近排成日left left left right left掛
左肩奇痛︰尋日已經開始，成日用左肩揹袋掛
右腳燒窿︰着黑鞋黑襪喺太陽下企，黑色是良好的輻射吸收體，唔窿先奇
雙腳發軟︰行一步痛一步

不過都算好嫁啦，聽講Red Cross有兩個人企企吓冧咗，俾人抬走。