今日係聖誕假ge第一日,

沒有溫書ge行動....只有空想....

唔知會唔會又好似上年咁,咁懶呢....

希望唔好la/.\

講返琴日,

Christmas party玩辣辣壽司,

睇人玩就睇得多...但玩就真係第一次...

搞到食左2件辣辣壽司,

雖然有d辛苦,但好彩重頂得住....

陳Sir玩得好投入,好歡愉~

但係Miss唐就真係好掃興,

叫佢玩又唔玩,重黑口黑面,好似同我地班有仇咁。

Christmas party完左之後,

見唔肚餓,就無去食飯,

本來我、MK、Jimmy同矮仔諗住去N屋企,

但行行下經過足球場,咁岩MK又有波,就去左踢波。

落去球場要落條樓梯,我地就叫MK將個波碌落去,等個波自己沿住樓梯碌,

點知碌碌下沿住隔離條去水渠碌,碌左去第二到,

笑到我同Jimmy肚痛......

之後就要補課,

都無咩特別,只係係咁打呵欠....

補完就用MK、矮仔一齊行,返屋企,

分開左之後,係差唔多到巴士站ge天橋個到,

有得派Rad Bull.....我本來都無諗住攞,

點知佢行埋黎俾張傳單我,重竟然俾罐開左ge Rad Bull我.......

當時竟然諗起Miss唐,而且我感到非常之無奈,只好繼續向前行...

雖然話可以提神,令頭腦清醒,好似好好咁,重免費添...

但我覺得對身體始終有一定ge影響.....

不過見罐Rad Bull開左,唯有飲左佢......

味道一般,唔係好好飲,但又飲得落...

而且重真係有少少提神..

夜了,有d晏訓....

唔打la~