記得以前好想快啲升上中四，因為唔洗再上家政同埋VA堂。直到今時今日，我都覺得自己冇諗錯，雖然我依家讀八科，都幾多功課下(特別喺A.maths)，但喺都唔覺得唔開心，因為我都鍾意依家讀既科目。
講吓中文先，個Mr.Chan真喺幾gag既，不過聽講隔離班已經教完我哋教緊果課啦，加油啊！
至於英文科呢，中一、二既時候我喺有恐懼症既(想知原因就私底下問啦)，直到中三先好少少，依家中四就好好多，唔知喺因為對得英文多，定喺受得Miss Chan既教法。點都好，唔怕英文喺好事。
而數學科方面，我一向都冇咩需要擔心，好少會有唔識做既情況。不過依家成日做預習囉，唔知點解呢？
講起數學，就講埋A.maths啦，呢科真喺幾恐怖吓，有時候根本唔明佢做緊乜。就算明佢做乜，但喺啲步驟又好多。不過我諗我應付到既，做多啲啦。
八科入面講咗四科，咁依家就講吓phy、chem同bio啦，依家phy聽野都明，唔似中三果陣時啦。chem四堂入面得兩堂教過書，仲要教返中三果時教過既。bio都ok，呢三科入面得bio本notes最豐富。但喺bio堂我哋坐到最後喎，真喺慘。
最後一科就喺電腦，呢科我都冇咩評語，普普通通啦。有一次溫sir突然玩默書，好彩都合格。
除咗科目煥然一新之外，我哋中四同學喺學校既地位都唔同咗。我哋唔再喺初中，算喺比較高Level既一群(唔喺話初中果啲就好低Lv.)，但喺又冇中六、七果啲師兄師姐咁大壓力，所以有好多野我哋都可以試吓，例如做幹事啦。
好啦，講返我自己先。我一向都唔鍾意揹太多職位上身，因為實在太麻煩。所以我都冇乜理過啲職位，好似班長、科長、班會職員等，我都冇做。我今年只喺tick咗做電腦學會幹事、校園電視台既剪接工作同埋做個童軍。
暫時大概喺咁樣，唔知以後會有啲咩新既突破呢？我哋就拭目以待啦。 |
