琴日係MK番到屋企之後就開始好辛苦

勁頭痛

過左一晚之後

打敗仗了我

唉

一早就去左睇醫生

醫生問我怕唔怕眼瞓

依家怕乜眼瞓先得嫁

又唔洗番學

所以佢就話開D勁D的藥比我

是旦了

番到屋企

打電話去投訴

話說我琴日出左MK個時

老媽子係屋企用緊個電池爐無啦啦噴起火上黎= =

所以就打電話去

個個人聽到之後好似我講大話咁

唔係好信

唔信就算啦你

打完電話就開始忙於模型

今日做的野唔係太多

聽晚去食自助餐

同珊岐姐,流行一家人去食自助餐

下星期應該走得成

琴晚唔知搞乜瞓唔著

可能太開心掛

今日就出門口個時見到SESAME比左個SMS我

過良景會合佢

今日見唔到KT

考得好順

A PART應該可以有一個高的分數

成份野都比較易做

完左就同SESAME走

佢係河田落車

佢去唱K

我就約左ERIC12點半係良景等

達今日唔得

兩條友一齊出MK

係巴士上面傾過不停

哈

太開心啦我地

到左之後就食麵

再行旺電

見到MACBOOK AIR個真身啦

真係薄到= =

行完旺電兩個大男孩就走左去廣華街

模型的地點

中途見到法拉利612

黑色的車身

型到嘔晒電

我同ERIC兩個就癲左咁係到叫= =

算啦

之後就上左動力到買蝦片

咁就無左140= =

之後就同ERIC行模型鋪

太多槍了

ERIC癲左啦佢

睇到太多槍

兩個大男孩係一間模型鋪入面停留左半個鐘

無收穫

再行

睇到好多正野

行完成個廣華街已經係3點8

我地係2點係廣華街開始行的= =

轉行千里達同埋英明

我係英明再買油等等的野

唔見到F18賣= =

ERIC就話佢過番千里達買巾

我諗左好耐買唔買F16好= =

最後都係因為得番好少錢我關係就唔買了(我係帶夠錢的)

兩個男孩好心滿意足咁離開MK

今日MK之旅成功

係超成功

番到屋企就執野

執完就開工

今日勁開心

註

今日董玉娣有個老師勁講錯野

係讀錯英文

SWITCH讀做 S WATCH

聽左我好耐都唔明佢講乜

我只係識得係到笑

聽左咁多日都已經識背咁制啦

之後我地PART A份卷又唔叫我地貼CODE

只係叫我地貼左答題簿(PART B個本)

就叫我地開考

最場考生都比佢嚇呆左= =

個個都好努力咁.......貼貼貼

用左大約一分鐘去貼

唉

真係唔知講乜好啦

最後今日啦

只要努力埋今日

我地就解脫啦

努力呀!!!!!!

今日都係繼續做A.MATHS

真係好開心

做得好爽

聽日

MK模型之旅有我,ERIC同埋達(唔知得唔得)

3個人去行廣華街

我有好多野要買= =

希望聽日可以買得晒啦

下星期

太期待了

唔知會唔會識到人呢xDDDDDDDD

不過都未知去唔去到

唉

一定要去到呀!!!!!!!!!!!!!!

今日係母親節

祝天下所有母親都快樂

未係母親已係人妻的都快樂

未係人妻已係人女朋友的都快樂

未係人地女朋友的女仔都快樂

總之就今日所有女仔都要快樂

今日10點起身食包

之後就開始努力努力

唔知點解今日做得好順

好事黎的好事黎的

下晝叫外賣

繼續做

今日一早有兩個電話

一個係地產打黎

第二個係姑媽的IDD

地產個個話我係跑馬地買左個間屋唔知做乜

=口=

我一向都係住係屯門

無買過屋嫁啦波= =

CUT左佢線

姑媽就同佢傾左一陣啦

佢主要係搵老豆

佢地出左呀婆到

之後繼續做做做做

到咁上下就出荃灣

聽日要再做!!!!!!!!!!

又係A.MATHS

今日無去飲茶

所以起左身就煮野食

食完溫A.MATHS

做下PASTPAPER咁

老媽子佢地黎到黎就開始休息左一陣

老豆去左觀禮

晏晝要同老媽子自己搞掂

唉

聽日係母親節

自己年年都唔會送禮物

今年都係一樣唔送啦

以前都試過買個袋比佢

但係好快就用到爛

所以都係直接D請佢食飯好過啦

之後請埋佢食雪糕

睇到佢好開心

咁咪好囉

番到屋企繼續溫

今晚同埋下晝都係係雅氏

哈

見到有個女仔係個到做

好似我小學個同學

但係又唔敢叫佢

唉

今晚同呀媽講左個件事

好彩佢都好好咁話我識諗就OK啦

上次個件事真係搞到我有D怕怕