8月9日   星期四                           雨..HOT

今日1點幾起左身，刷完牙食埋個包已是1點了，打比牙TIN，佢同我講，佢準備就緒了，我O左，收線，嗱嗱聲換衫，中途余
德雄打比我，問我有冇租碟既會員卡，我知家姐有，所以我問左家姐借比佢。
到1點半，佢依然冇電話到，唯有我打比佢，點知佢仲訓緊教，聽得出佢仲有野"

打完電話比佢再打比余德雄同牙TIN，一個約百佳等一個約吉野家等，會合完牙TIN再會合埋余德雄，條友仔竟然話吾識去租碟
舖，要我帶佢去，但我已遲大到了，唉...好人做到底了，急腳帶佢去，急腳同牙TIN去搭火車過粉嶺，呵..又遲到了./..真係吾好意思

去到，牙SIR竟然話要AA制，點得呢，話明今日出黎請佢食野架麻，點可以變成AA制既呢，在我的堅持下，牙SIR也屈服了，哈

牙SIR個仔仔好得意好搞笑，但同時地也很串，有林SIR遺傳，哈..之後，食完野，佢個仔仔開始表演魔術比我同牙TIN睇，因為佢
地個個都睇過了，我同牙TIN個反應交足戲..哈哈..個魔術其實我睇過架，但我都係一副驚訝神奇既樣子，哈..牙SIR話我同牙TIN係好
好觀眾，呵   (假就真)

坐係到勁凍，我同牙TIN痴埋一堆，差未攬埋一舊..哈/\/\
3點幾，我地也走了，文欣約左人走先了，得返我、TIN、古同蕭詩，陪左牙TIN去睇電話，睇完，吾知去邊，牙古提議去大埔吉之
島行，各人也答應了"  呵

去左大埔墟，再搭巴士(K12)去吉之島，行左莎莎同屈臣氏，再去左一D舖頭，再去左其它商場，撞到王SIR..呵
之後行到一個商場，見到勁多得意既公仔，勁多呀..勁想攬曬返屋企...  咁就好LU////>＜
仲同牙ＴＩＮ買左豆腐（係公仔吾係本人我）呵　　　隻公仔勁得意喔！！

之後提議行去海濱，於是便起程了，行到大官中學對面時，打算過馬路既，（係冇紅綠燈）無啦啦有架車"BI"我地，我地同時望住
揸車果個司機，果個人亦同時望我地，仲要近距離係我地面前開過，眼係冇離開過架..我地O左咀兼狂笑，牙TIN話，都吾知望乜，
專心揸車啦，小心將架車車左過黎牙....勁好笑..一路行去海濱一路都係我地既笑聲，哈哈
去到海濱，搵左個位坐低傾解，傾左好多//KEKE..知左大家好多秘密..哈哈..卡卡.估妳、妳吾到呀..

之後又行左上去回歸塔上面，感覺勁正，勁大風，  係上面影左好多相呀....
之後有個管理員開咪叫我地離開呢到，我地仲以為係邊到開咪，好樣衰呀..
於是我地就落去了，便起程去太和食野，行左好遠路，開始攰了，去左 一間茶餐廳，食左一餐幾滿意的晚餐，一邊食一邊睇同事三
分親..呵..差吾多9點先走人..

搭火車返屋企，係火車到，因為牙古昸踩鞋事件，搞到我地由大埔墟笑到返粉嶺，成咔車既人既眼光望住我地..哈..勁好笑..
蕭詩同牙古係FANLING落左車，我同牙TIN係上水落完車後，去左OK，本來想買ICE飲，但我地.........> <
最後買左第二隻飲，之後行左去老地方到坐，諗住開果枝黎飲，點知開極都開吾到﹛= =
我同牙TIN覺得好無奈，之後牙TIN拎張紙巾出黎，試下開吾開到..點知一擰就開左..O咀..>0<

之後就一邊傾計一邊飲野，..約9點10到，我地就走了...
到太平後，我自己也行返屋企了，我第一次行得咁慢，真係好慢，其實係專登行咁慢既，係太平去清河只需10至15分鐘，
但我卻行左半個鐘先返到屋企，佩服自己既腳步..呵

呢兩晚真係好吾開心，點解會搞成咁架，究竟係邊個既問題，我真係好吾想咁呀，成晚我問左佢好多句，係冇野講，佢都係吾
應我果隻個喎，每講一句就係嗯!
之涕仲要同我講，佢要食飯，我好快就收左佢線" 

DOWN既心情，聽咩歌都會喊>口<