仲有半個月就DSE
講真 驚就真係冇 但係對著未來就有不安既感覺
...
溫左成朝 唔想溫 得閒睇番我由中學一直以黎既每一篇既BLOG
發現自己大個左:D
以前自己好鐘意諗好多問題 去定唔去 左定右 爆定唔爆 撞定唔撞 射定唔射
去到中六 人真係成熟左
成熟左 自己都唔急於去拍拖 以前就成日狗衝:P
可能人就係咁
LAST DAY之後 發現自己好鐘意係學校既生活
係學校 做下KAI野 小息唱歌走音 小息冇野做..行出走廊周圍望下
用F.6呢個身份去望全校 盡量將學校既每一個角落都著力記低
唔想失去呢個咁溫馨既校園
初初F.1入黎呢間學校 返學第二日就比人鬧到喊
同李偉民用遮同水桶打交 比香SIR巡樓個時見到 留校訓導
個陣細個仲驚到個晚問佢 點算呀...?
講起黎 有今日既好隊友 真係要多謝香SIR :P
之後就一齊食LUNCH同聰聰,同民
以前好易喊 可能想得到人注意同關心 關懷掛
宜加就唔想比人見到喊... 可能 自己始終都係大哥哥 如果比D細見到 咁佢地咪仲不安
又記得F.1個陣 有一次真係好好笑
同全級第一玩射橡根既感覺係咩 我就試過
同OCEAN射橡根上風扇 又比PREFECT捉到
都係個句 冇呢D淤野 點會有今日既隊友...?
宜加諗番起 命運究竟係咪整定...?
籃球隊一直奮鬥既隊友 民,聰,OCEAN 竟然係F.1就已經FRIEND
番番正題 我F.1個陣咁易喊 係六次留校訓導入面 我每一次收紙 都喊左出黎
最緊得有一次 IS出貓 朱SIR發現左 我個時好激動
諗番起都真係...
話說比佢發現左之後 我即喊 即火 拎住支原子筆 係手腕係咁畫
好彩個陣係原子筆 如果係墨水鋼筆 裝甲就...:P
F.1大概既回憶就係咁多:D
F.2 細細粒話佢係呢一年識左我
而我做左佢老豆...
雖然宜加都冇再咁FRIEND 但係...我遲D 我會搵你傾計既:D
F.3 機槍林既來臨 其實佢都不失為一個好老師
佢勝在有心機教...最記得抄野抄到阿媽都唔認得
曾芷彤個KAI子抄到要貼殺龍巴斯:P
仲有個陣都好憎機槍林 話說有一日
下午連堂 都諗住等死架啦 買定一打避彈衣啦
點知...佢聽MISS單講食魚粥 係佢第一次食
之後哽魚骨 入左醫院 真係好搞笑呀
F.3冇咩 入番籃球隊
識左好多人 都係宜加同埋永遠既好隊友 梁狗,山雞,GILBERT,尖東,星星,華探肛
可能我自己好容易投入 同 我都唔知用咩形容
我見到班籃個陣大家都咁用心用力 自己都好想有一班一齊奮鬥既隊友
所以我就入左籃球隊:D
入左之後 知道自己要打底
都係個句 知道自己比較易投入 同 唔知咩
所以我從中三為左中五個一年攞到學界冠軍 就日日做掌上壓
可能因為咁 我先係中六諗到將來做咩啦...
呢一段係我一到睇XANGA一度打
我睇番一句 當時係梁欣同我講 可能係佢呢句 更加確立左我打底既信心
[裝甲車你好猛wo- -,人地3個舉高哂手,你都跳起一野搶左個版,仲有人地明明搶左個版,你都刻意咁一野係佢隻手到拉走個波- -]
多謝梁欣
睇番D字 個陣真係講野一舊舊SAD
個陣 都好希望自己可以有不斷既進步
可惜...個陣成日轉牛角尖 可能真係睇得太埋
如果個陣識後退一步拉開D睇既話 球技都唔咁屎
仲記得F.3個陣 上堂太悶 真係冇野做 摺紙, 摺飛標
摺左我諗都有四,五十個 之後LUNCH係咁同山雞飛,飛,飛,飛呀飛 係咁飛
飛到PERFECT捉左我地 我仲記得個PERFECT問做咩摺咁多飛標
山雞就答 賣比火影忍者...我到呢一刻都記得:D
不論係上堂定練波個陣 成日都記得你地班友仔 都成日有'火羅'野發生
於是你地就成日講 我唔想睇到有'火羅'野發生呀... 都好深印象
F4-F6 其實我真係好好彩 咁都入到呢班 個陣時考得一般 呢個CHOICE仲要係第四志願
咁都入到呢一班 真係...
其實入到呢班都好開心 男仔少 容易FRIEND呀嘛
點知呢一班個D女仔都好好人:D
唉...好多野都想講 分享下對呢班既感覺
仲記得F.4比鄔SIRSIR教既日子 各位上堂做既野真係...驚天動地
仲係我地以為佢唔知我地上堂打PSP,織冷衫既時侯(我只係做左上堂傾計呢一樣咋
原來佢係知...不過佢都冇咩火氣
冇咩火氣....?我極力反對呀 就係佢最後一堂 個時我坐第一行第二個位
前面係聰聰 左上角係MATTHEW 佢地竟然公然上堂係兩行中間既走廊玩象棋 真係好正
正唔係在於佢地貪玩 而係鄔SIR既反應
當時鄔SIR諗住開番D橙 準備落堂 佢行過黎 一步一步... 佢右眼一閃
發現兩位同學係度玩象棋 可能佢一直都好火 直到最後呢一堂 佢要爆啦
佢好大聲咁話 兩位同學係度捉棋 你踩正我條底線呀(後被演繹成 你踩正我條底褲呀/.\
就係咁 鄔SIR既最後一個印象就得番一條比人踩過既底褲 SAD
F.5 英文堂...MISS KWONG真係好NICE:D
佢好搞笑 佢其實好有童真 好貪靚:P 多得佢 我英文都有進步下
去到F.6...最後一年 就如 我QOOZA既主題 最後的一年
有好多野 想分享...不過有兩件事好值得我去懷緬
一個就係畢業...另一個就係一個對我好好既女仔:D
咁我講下個個對我好好既女仔點對我好法:D
我識左佢差唔多三年 個陣有傾有笑 好開心
但係我個陣好衰仔 覺得佢好煩 成日都搵佢又唔理佢X1000次(就好似有事鍾無豔 無事夏迎春咁...
就係因為咁...我同佢都唔係好好朋友
但係去到F.6...我都唔知點解自己去搵番佢傾計 而佢都有打開個心...
可能就係對番我上面所講既入籃球隊既命運...
可惜...我同佢既關係當走著好路個陣 我所做既橋終於可以連接到架船個陣...
又再一次 比我 踩爛哂 :(
有人話...任何野都唔可以破壞兩人之間既關係...唯有其中一個人既轉變
睇黎我係呢句話既最好演繹者...
係我準備踩爛條橋個陣...佢曾經比過建議我 提醒我...但係我一個都冇理 就係咁 上路...
呢條路係唔好既路 係皇帝既酒池肉林 好彩...我唔係契弟 如果唔係就真係契弟走得摩:P
當我回頭時...我再一次搵番佢 搵番佢 我覺得我自己好對唔住佢... 覺得負左佢好多
但係佢冇唔理我...雖然佢話佢冇嬲 但係我諗佢嬲左我一秒既都有:P
但係...都有人話 只要你肯...伸出友誼之手 真既朋友係唔會拒絕你
呢個女仔就係呢句話既最好演繹者...
鐘意籃球既人都係好人:D
當我搵番佢個陣...都只係得番一個月 呢個朋友既關係 三番四次令我對自己有更深一步既了解
可惜...我冇既係時間 如果唔係 我一定會追個個女仔
多謝你呀 你知我講緊你既 唔好再話對錯號入錯坐(指:霸氣
好啦...講下畢業啦...
我個人 好唔鐘意分離呢一幕...
自己曾經都經歷過呢一個情境好多次...
同一個由細玩到大既朋友分開 工人要番番去菲律賓 小學升中學
我每一次都有喊 T.T
可能我真係熱血 中六呢一年 我做左好多好值得記住既事
係最尾一個CYCLE 我投入左好多:D
一齊笑一齊玩一齊唱 一次食好難食既撈麵 我記得我個個係茄汁辣油豉油...我食第一啖就想嘔LO 好彩最後都食得哂
校花校草大作戰...MISS WONG定格...玩蕉SIR:P
BTW 如果大家真係咁想我再教大家跳AEROBIC既話 就請係考完DSE搞多次呢D大型活動 到時搵埋狄易達呀 仲有我連個名都唔知個條友 一齊黎鬥跳:P HAHA
就係咁 我既中學生活就係咁完左...
只能講一句 再見;D
再見了王肇枝 多謝你比一個咁好既青春歲月比我 :D
最後送一首歌比大家 希望大家失意個陣 都可以記番起呢首歌 再次重身上路
|
