今日勁黑∼比個個老葉訓我聽日留堂一個鐘∼吊佢∼我冇帶書姐洗唔洗咁呀！！本來唔洗罰架∼因為多過３個人冇帶ｓｏ就要罰囉∼都已經罰企左成堂啦∼

仲要罰留堂∼頂佢．我咪一路企一路食糖囉．有６粒食靜２粒．之後落堂喇企左成堂腳都軟∼到中文堂話要做書喎！！我冇做又要罰企∼頂∼勁攰呀！！又企左一堂．．

到中史．呀ｓｉｒ病左冇番第二個老師嚟上∼佢講得勁悶又講得慢．一個字一個字咁讀出嚟．成班都頂佢唔順．．一ｄ係到食粒一ｄ係到訓覺我就係到做功課佢都盲既成本野放係枱到做都見唔到唔鬧∼我地有我地做＆玩．佢有佢講∼

放學冇去科學考試同青蛙佢地去左圖書館．．之後就回家食野喇！！

唉！聽日要留堂一個鐘∼留堂唔係問題．哂我時間先係問題吖痳．．簡直浪費光陰呀！不過呀ｓｉｒ最尾差唔多落堂個時話我地今日好嘈∼聽日全班留堂∼唔知佢聽日記唔記得．．如果係都幾好有咁多人陪∼哈！！｛好衰呀我｝