ＤＡＹ Ｃ １８／５
運氣度：ＵＮＤＥＦＩＮＥＤ ＸＤ
開心度：５０％
呼呼，今日第一堂就ＭＭＬＣ，係到睇片，超級無聊，有個人叫卡你波凸既男仔係霍格華茲救左隻雀，之後隻雀變左鄧不利多，鄧不利多仲讚呀波凸好人，送左隻ＷＩＳＨＩＮＧ ＲＩＮＧ比佢，之後波凸係某日係進行緊１００米短跑比賽既時候，對住隻戒指許願，本來跑得最快既海格仆低左，第二既馬糞就抽筋，最尾果個麥教授就唔記得左，最後波凸跑第一∼第二個願望就係波凸測數學果陣，佢許願要拎一百分，跟住真係比佢拎一百分，但比老師串番轉頭話呢題點計∼最後一個願望就係要送條鍊比佢阿媽，點知果間金鋪Ｄ人話有人偷野，仲係佢阿媽個袋到搜到條鍊∼最後時光倒流．．．
第二堂數學又係到做果Ｄ變態ＩＮＤＥＸ，變態得有少少容易，但前面個ＬＩＫＥ ＴＥＲＭ ＴＡＢＬＥ就唔係好明．．．中文堂就照樣教書啦，不過今堂真係好無聊．．．小息去左搵霍老妖，上到五樓等左超耐，見打預備鐘就落番一樓，點知比我地見到霍老妖係美勞室，真係比佢激死．．．
第四堂ＥＲＳ冇野好講，後半段係到唱歌，之後就上電腦堂，由於ＭＲ ＬＯＮＧ冇番既關係我地可以自由活動（差唔多啦，不過唔比打機），我成堂剩係係到做數學，做到１４Ｃ就落去上ＥＰＡ，ＥＰＡ又無奈地係到講唔知乜，成堂係到ＦＩＳＨＩＮＧ．．．
ＬＵＮＣＨ番屋企食完飯之後番黎打康打排，本來都好好地架，不過打排果陣見到花圃中既曼魚同菜園裏面既肥叉燒係條樓梯到，咁岩我又企係一個好容易打中佢地既地方，咁就立即開戰－－斬曼魚食叉燒大作戰！一開始我同戴駿軒狂用下手爆上去，之後直頭拎住個排球沖上去打佢，個波落左去既話就靠梁偉超用上手炸番上黎，一直持續到就快打遲入課室果個鐘既時候，曼魚叉燒終於投降，跑番課室－－戰勝食物∼！
ＬＵＮＣＨ番去就係我其中一堂最鍾意既堂－－ＭＵＳＩＣ，ＭＵＳＩＣ係到考試，由４２號考上黎，真係衰呀∼今堂真係超級搞笑，由３９號果組起，李子悅先生吹笛失敗（本來見佢ＬＵＮＣＨ果陣練得好好架），被逼考唱歌，同佢一組既梁紹唱左兩次，第一次嘛嘛地，第二次唱得超級無敵咁好（可以話佢係最班男仔唱得最好果個）！跟住就到我啦，因為我識背所以冇睇書，點知一望過去男仔果邊，成堆人係到整鬼面，終於係我唱到「讓晚風．．．輕輕吹過」果段就笑左出黎，不過都唔係笑好耐，但就害我係最尾果到唱得快過頭，扣哂分．．．
放學之後去睇數學比賽，係全日最唔開心既時間，ＦＯＲＭ１果Ｄ問題即使有Ｄ冇把握係１０秒內計完，我最少都岩到一題呀！不過好彩其他社ＦＯＲＭ１冇一個答岩一條，總算拉番平均，第二ＰＡＲＴ係我同表哥成日都玩既２４點！我同佢係啤牌到玩到出神入化，有幾題仲一睇就知．．．點解信社唔搵我呀ＴＴ．．．跟住係到玩電腦，玩到哇哇聲咁，最後就係高ＦＯＲＭ比賽，痴線架，出Ｄ ＳＩＮ０完全唔識計＝ ＝最尾唔知點解又補番一題，１４２８５７Ｘ７＝？呢題我小學學過架！９９９９９９嘛！點解唔搵我上去玩呀＼ ／！！！
|
