ＤＡＹ　Ｆ　１２／６

運氣度：５０％

開心度：５０％

中一生涯最後一日上堂，囧．．．

第一堂中史，對作業，好囧呀，你知唔知呀，我錯哂呀，囧呢？哈哈哈∼有題司馬睿我串老師話司馬囧，哈哈，妖．．．．讓左一陣，繼續對答案，囧．．．

第二堂中文，老師今日好快呢，一入黎就係咁罵 罵罵，咩李子悅呀，戴駿軒呀，連方生都罵．．．又唔見佢罵女仔喎＝　＝跟住就個人短講，太正了，全日最凍既一堂，由第一個楊浩怡同第二個王穎毅，我打左幾十個冷陣，佢地仲要係同一個地方停左一下，太強了，比杯熱水黎啦＝　＝後邊仲勁，丁穎兒直程搞到我想嘔．．．不過佢又讀得好過後邊喎，至少佢有食ＦＩＮ頭丸，個頭搖黎搖去，好過後邊姓薜凱琪叫凱琪果個，成碌木咁，真囧．．．

第三堂英文，做咩呢．．．好似又係考ＯＲＡＬ，定點，唔記得發生左咩事，只係記得我本暑期作業比甯師奶搶左去做，仲係上面寫粗口，真係比佢激死．．．

第四堂數學，ＭＲ　ＣＨＡＮ係到講數形，好強，佢講Ｄ野越講就越複雜，哈哈，ＭＩＳＳ井田制度啊，你回來吧，我想你想得巧苦耶．．．後尾數學測驗唔合格果Ｄ要出黎唱歌，ＴＩＭ哥唱歌冧死女啊．．．可惜搞到我地班男仔打哂冷陣．．．不過後尾冇人出黎唱，叫戴戴呢Ｄ咁有女人味既人唱女人味佢又唔唱喎，叫佢對阿ＳＩＲ唱ＢＥＹＯＮＤ首喜歡你又唔唱，叫佢唱鄧麗君果首路邊的野花不要採佢又唔唱，真係冇佢收．．．

第五堂ＰＴＨ，哇，今日做咩呀，個個老師一入黎就係咁罵人，佢話咩咩冇交補充作業果Ｄ要記名喎，抵死抵死（雖然我都有被佢記左一個名，囧）．．．不過睇佢罵人真係好開心，佢罵得黎串，串得黎罵，最重要係罵得黎串呀嘛，真係好正．．．後尾對補充作業，哈哈，有一題老師叫我出去做，但誤會左我冇做，搞到叫左ＫＫ出去做，哇哈哈，今日好彩呢．．．

第六堂英文，考多兩個ＯＲＡＬ，老師就問我地有咩要問佢，因為佢最後一日見我地，原來佢有男朋友的．．．仲有佢三十幾四廿歲．．．哈哈，後尾迫佢講左ＥＭＡＩＬ出黎，強呢．．．趙淑賢呀趙淑賢，你都有今日啦，好彩你小息走得快，否則屎也有得你吃呢．．．[email protected]．．．有冇錯？

第七八堂ＨＥ，煮湯圓，又同叉燒一組，不過今次我都冇乜點整過，整左少少陳鈴就過黎幫手，我就掛住周圍串人，後尾串叉燒比老師聽到，要我同佢道歉，好瘀呀．．．唉．．．後尾整出黎既芝麻湯圓，雖然冇左個湯底，不過都幾好味，不枉我唔做野呀∼ＸＤＤ

放學番屋企打左陣機，跟住落左去拎眼鏡，唔排除一陣間會溫書．．．