今日朝早落左荃灣買餸，好不幸地，番石圍角果陣搭搭下車竟然落傾盆細雨，唯有去避雨，點知就越落越大，又咁岩今日著長褲＋拖鞋喎，搞到變左落湯雞．．．唉－ｖ－番黎，上ｍｓｎ，幾乎冇人ｏｎ咁滯－ｖ－就連我班網友一個都冇上線．．．唯有繼續煲寵物小精靈ｔｖ．．．（過度好看，臭臭子證實死亡）

晏晝落街「溫」普通話，其實我想溫ｓｃｉ／中史的，但我個ｆｄ話要溫ｐｔｈ，冇計－ｖ－我落到去都唔想溫ｐｔｈ，係到食野，差唔多走果陣去大生抽卡，兩蚊楊囧琳膠，三蚊楊囧琳金簽，五蚊ｋａｒｙ閃．．．

番到屋企，繼續打機，比卡超，十萬伏特∼∼∼！！！！咁就比我捉左隻封面聖獸．．．（因為之前張細卡壞左，搞到重玩，真係慘－ｖ－） 後來無啦啦有人打黎，我一聽，搵我既？把男仔聲又未聽過，係到諗係邊個，後尾佢話要楊囧琳膠卡，我先知佢係楊枝甘露，佢阿妹都好似係到，好似仲有幾個人－ｖ－唔知……

跟住就再打陣機，打到１７：０８分，哎，過哂鐘，即刻跑入房開電視，哎呀，咁快出左小忍啦－ｖ－．．．不過都唔明佢ｄ翻譯既，個個主角名前面都加個小字，小∼∼∼∼∼智……我真係越黎越憎無線ｄ配音啦，火影配到不倫不類咁，佐助咁令仔，比把成熟ｄ既男人聲佢丫嘛，無線又比女人聲佢，雛田同井野把聲調轉就差唔多，雖然我唔係最鍾意雛田呢個角色，但係佢都唔差丫，搞到咁真係好嬲…

到左寵物小精靈，ｄ叫聲真係搞到我發火，明明原版ｄ聲有詹瑞文捲利絕學架嘛，而家就剩係用隻寵物小精靈個名做叫聲，小忍呀，把聲都叫唔差，不過就講得好鬼差，句子後邊「啦」「呢」「呀」果ｄ全部都用得唔好，搞到我唔想睇落去，越黎越悶啦，不過大家放心，後邊百幾集果ｄ好好睇的，但係無線好似唔會播哂－ｖ－有人話遲ｄ無線唔會播卡通添呀，都唔知係咪真，不過咁都好，亞視ｄ配音應該好過無線－ｖ－