今日又要番學...唉""今日冇尋日咁好玩lu,尋日捉棋捉得興奮過頭,哈哈~今日番到去都冇乜野,上到課室抖左陣就同倪佬捉棋...唉,今日又痴痴地線,本來屈屈地佢後尾變左佢屈番我,最後因為唔夠時間所以亂捉一通,最後仲輸埋(連輸倪佬3場...下一個目標除左打贏佢之外就係捉贏好串嘴既周臣,同佢捉我會出絕招....)...

開始上堂啦...老師講左兩句野,派左兩份野,就開始今日第一個節目－－趣談廣洲話,登登登登登登登登登登登登登登....我隔離話有條友講野勁似黃祖藍,聽落又真係幾似-v-跟住佢地係到講老虎蟹,明講區美欣啦...哈哈哈哈~聽完之後就去禮堂,聽楊sir講果d咩咩版本既野,ok悶啦,開頭都有心機聽,後尾見佢成十幾廿個「本」,佢仲打算全部講哂,所以冇聽...跟住拎左鄺銓枝筆,傳左過去右邊,傳傳下唔見左-v-唔理lu,閃得快好世界...

聽完就小息,又開始捉棋...因為劉羅坤係禮堂到叫我收皮,頂我個肺,本來諗住打佢兩鎚就算,不過見我已經金盤洗手,所以同佢捉番鋪象棋...讓佢五卒,各有各好,不過佢真係好廢,後期係咁比我將軍抽車抽砲等,最後決定剝佢光豬...剝光豬成功之後,本來我諗住同佢玩多陣,點知唔小心雙車將死左佢,哈哈~(明串佢中...)

小息完左就開始生日會,第一部份,天才表演,大佬,我鬼係天才咩,唔好叫我表演呀....點知李屎抽兩個 就中方毓澤,咁岩我又同佢同組..咁快就表演,哈哈@@...其實個話劇幾乎都係臨場發揮,我同tino只係係課前練左一大次,所以大家見到我地又笑又咩既,慘""之後蔡嘉唱生日歌,比我既感覺係佢唔識唱-v-之後叉燒儀果組出黎整電腦,電腦白痴既佢地整左好耐都整唔到,唯有後邊果幾組表演住先……周臣果組,四個麻甩佬係到講爛gag笑話,其中只有董叔果個好笑...隔一陣之後就到叉燒儀果組表演啦,哇,真係唱得勁好聽,我係話泳兒.. .三個女仔一粒聲都冇,後尾02+07+22三女出場,02唱唱下發現原來一直都冇開過mic...怪唔知道叉燒儀果組冇聲啦,哈哈哈哈~02同07唱果陣,我聽到佢地d聲,但打哂冷陣,到22唱果陣,幾乎聽唔到佢把聲,不過都有打冷陣,哈哈~

之後都冇乜,好笑既係manto哥出黎講既iq題...我全部聽過...架勢堂有講的-v-超囧~梁蝦米都好慘,出黎講一個笑話,冇人笑,要講多個-v-全班全後表演既係一個男仔,佢個名叫做單賓怡,唔好話我唔知,我知佢家姐今日冇番,呢個擺明係男仔黎既xdd(吹笛男出場)佢出黎吹左兩野就走,真強...

天才表演終於完左,跟住就生日會,冇唱過生日歌,老師叫人出黎果 陣冇人出黎,但後尾突然一大班人出黎喎,痴線架...值得一提係方毓澤520出生...今日既節目完哂~聽日要聽中大教授講座,唔知我見過未呢...

放學之後同戴戴去麥記,陪佢買新地,之後到我去七仔買思樂,買完之後出左去企係到吹水,搞掂哂d新地同汽水就閃...番到屋止,開電腦,打俾黎凱業,諗住叫佢出黎玩,但佢又唔得閒,跟住打俾黃雍文,冇人聽,未放學?之後一支公係到打機,期間msm..打到3點幾,肚餓到手震,落蛋冇錢買蛋撻~~~~~~

番黎完打鑽珍,捉左龍蝦小兵,向住小智既道路進發...