唉，今日真係好無聊，朝早十點幾無啦啦醒左，之後落左廣發食早餐，食完早餐之後就番屋企．．．番到屋企照舊都係玩電腦，無咩既，同以前一樣，上下網，打下ｑｏｏｚａ咁囉∼今日電視又冇野睇啵，真係好悶．．．

跟住一點幾落街賣書，帶左十四本落去賣，勁呀，賣左一本中史！３０蚊呀！！！食到６０包紫菜呀！！之後其餘十三本行哂成個荃灣都冇，被迫掉落垃鴨筒∼之後入左屯門，食晏，又係冇野講，總知好悶．．．番到荃灣去左新之城，上去六樓ｄ旅行社到睇野，我老母話去果ｄ咩咩長隆水上樂園喎，佢都痴線的，要我做水魚？采你都傻啊，呵呵∼

睇完閃人，係六陽坊出邊條天橋果到見到２００６－２００７年度荃灣公立何傳耀紀念中學１ｂ班既一個女仔，唔記得佢叫咩名ｌｕ∼剩係知以前打波成日聽林天地佢地話咩咩「金花」咁既，姐係話有個男仔叫「金」，佢朵「花」就係果個女仔啦∼好複雜呢∼哈哈∼之後去左百佳，買餸，跟住就番屋企，係天橋到放左篤屁．．．講笑，係一個行人放左篤勁大聲既屁，無啦啦行行下「呠」一聲，嚇死我＠＠

番到屋企一開番個ｍｏｎ，哇，兩個人叫我，分別係倪肥ｘ１，網友ｘ１．．．之後同倪肥玩數獨，開左兩次都玩唔到，之後玩踩地雷，之前同佢玩兩鋪都輸佢一兩個地雷，好唔抵，今次終於爭氣贏番佢一次咁多＠＠下次我要屢戰屢敗，屢勝屢戰先得矣∼

夜晚可能再打∼∼∼∼∼

∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼

以下係我今朝打果篇英文既答案∼

哈哈…你地已經中左我既絕招啦~~呢個就係傳說中豬(注意,唔係諸葛亮)既超級無敵八婆倉頡碼啦…如果你地咁有耐性將呢篇野翻譯哂佢既話我就獎你地某樣野啦~今日既qooza唔係呢篇咁既廢物,呢篇只係一篇廢物,只係用黎玩你地, 如果你地真係翻譯哂呢篇野既話證明你地真係好愚蠢,哈哈~不過你地既然都翻譯到呢度,咁不如睇埋下邊果d啦~嘿嘿…其實我到而家都仲係玩緊你地…你地被騙了~~我一陣會再打今日既日誌的…所以一陣都仲要睇我qooza呀

係咪比我呃左呢ｘｄｄ？