而家既時間係大約六點,距離本qooza再次關閉既時間仲有三粒鐘~

今朝早九點幾起身就肚痛,痴線的= =之後解決左,去玩電腦,玩呀玩,玩玩玩玩,上左成朝網,跟住十一點幾打比黎凱業問佢一陣落唔落街,佢話落,that's good~傾左一陣,收左線,隔一陣鄺銓打黎,問我一陣三點去唔去惠荃體育館打羽毛球= =跟住我又打番比黎凱業,問佢去唔去,跟住佢又駁三人會議,問鄺銓野,跟住第一次打唔到,第二次先打到,問完又收左線,我地又傾左陣之後先收線,真係複雜= =...

之後一時四十五分就同黎凱業落去m記食晏,食完晏做左陣功課,之後二點幾就出發前往惠荃睇肉館啦~~~跟住入到去,等左好耐,我地兩個仲以為我地去錯地方= =等到搭十,鄺銓終於以青色t裇出現!跟住佢要簽到,因為仆左街,丫唔係,係場,卜左場簽到,點知佢拎錯飛,拎左7月十幾號荃景圍體育館果張飛= =(一定係同四大師奶,鰻魚叉燒劉浩龍黃文韜打啦~)之後好彩可以講身份證no.確認身份,咁就打得= =如果唔係我就白行一趟,明明我好開心係麥記嘆冷氣架嘛=口=之後因為我地三個都冇帶波既關係,所以要等吳啟思一眾四人黎到先有得開波,等左一陣,佢同佢細佬到左,終於入得去打= =

入到去,原來仲要等吳啟思表弟表妹黎到先有得打,之後開波,哇勁,三打三,我果組三個加埋都成四十歲,佢地果紅加埋都唔知有冇二十歲= =我地打一前二後,我打前黎凱業同鄺銓打後,比佢地激到死死下,佢地係咁打輕波,搞到我要跑黎跑去(謎:唔好話你搶住黎打),跟住終於轉位,我同鄺銓調轉,跟住繼續打打打,轉位轉轉位,跟住開始比賽~第一場:兩個最細既男仔打兩個最大既男仔...結果,吳啟俊同佢表哥贏左青衣天使同白衣天使(吳啟俊作的,因為鄺銓著青色杉黎凱業著白色杉= =),之後因為得番我一個,嚇死我,以為要單挑兩個「高手」,原來唔係,吳啟思突然出現?被迫同佢一組,最後都輸埋= =(因為我打慣前,佢地係咁打到勁後= =之前又唔見佢地打咁後-v-)

跟住就係青衣天使+吳啟俊個家姐個表弟個表弟個家姐個表妹vs吳啟俊+吳啟俊表哥~結果,未打哂,殺出一個阿婆,唔比吳啟俊家姐個表妹打,結果呢,佢地講左十幾分鐘,講到四點打鐘要走人= =跟住同黎凱業再去麥記坐左一分鐘,去平台打羽毛球打左五分鐘,再去麥記做功課做左四十五分鐘就散ban~

番到屋企沖完涼就即刻黎打qooza,我係咪好乖?今晚九點準時關閉