ＤＡＹ　Ｂ　１７／５

運氣度再創新高：９９．９９％

開心度：９０％

今日第一二堂，大家都知咩事啦．．．數學測驗本來１００分，後黎冇寫題解扣兩分，之後老師叫我出去再睇下，睇兩睇又好似可憐我咁比番兩分我，我終於守得分高見月明啦＼　／！不過我覺得今次全班數學測驗平均分可能高於九十，因為今次好多人因為最尾果題漏ｙｅｓ或漏ｕｎｉｔ搞到比老師一分一分咁扣，全班幾乎最少有四五個都９９，９字頭既都應該有十幾個，唔計戴戴同小ｐａｕｌ拉低左ｄ分，有九字頭機會好大．．．

之後第三堂就係史上最唔應該出現，史上最唔想上，我最差最差既科目美勞啦．．．唔好話我曬命，我家姐畫畫靚過電腦畫出黎，靚過哂我地班所有人，甚至有時仲畫得靚過霍老妖，但你地可能會問：「點解你唔搵你家姐幫你畫呀？」我可以答你地，我同佢跟本就係水火不容，我問下我我畫成點都仲得，如果叫佢幫我畫既話佢就：「痴線架！」佢畫畫叻又如何，我畫畫天份幾乎係零，我畫親畫都唔方靚得去邊，尤其係用廣告彩，要我畫我真係死比你睇．．．

 　放小息之後番上黎就畫水墨畫，係講呢個之前我真係超級想讚霍老妖寫字真係超級靚，超想學佢寫字，唔知係咪全部教畫畫既人寫字都咁靚呢＠＠？其實小學已經有畫水墨畫既經驗，不過就係畫唔好（至少好過水彩），跟住今日又話咩「龍乾」「淡塞招」，我都唔知佢講乜！自己試果陣真係笑到我死，我支筆畫出黎鬼死咁粗，以我四隻眼去睇濕同淡都係一樣既，但唔知點解後尾老師收左（我後邊鄺肥果組班師奶個個都話用黎做反面教材＝口＝！）．．．

 　之後英文堂可以話係全日最唔好運既一堂，要做ｄｒａｍａ，仲要好唔公平地連續兩次調位我果組都係全女班既（唔計我啦），本來都好好地，後尾班男人老狗全班人係到叫我出去做獅子，老師仲話我眾望所歸，乜唔係冇得留低架咩，點解仲叫我出去架＼　／．．．不過算啦，一樣出去喵兩喵，讀幾句就番埋位．．．

 　ｌｕｎｃｈ唔使問又係番左屋企食飯，番到黎第一時間去康樂到跟隊，之後去左打排球，個死人鄺錦銓打到鬼死咁大力，好似係到曬命咁，搞到我當時興過火屎（我真係好嬲），同戴戴搶左個對住籃球場既位狂炸排球，冇幾耐康樂仲於到我，個周臣超無奈地話射入兩毫子就有２焦，我唔理佢，照打，打到最尾逼於無奈連入兩毫子兩次，點知都係輸大回，唉．．．

再上番去就西屎堂，今堂冇功課做，咪聽下佢果ｄ咩咩雅吊同波屎打仗囉，悶到我抽筋，但唔聽測驗又有排溫喎，唉．．．

最後中文堂，依舊係咁串何ｓｉｒ，整體上都叫開心．．．

放學之後仲爽，留堂，做壁佈，三點九個字上番班房，班師奶竟然仲未走，戴戴又係到畫ｐｏｅｍ個字出黎，搞到四點先開工，不過好彩開工之前我同戴戴同有諗過ｄ排位，貼左十五分鐘左右就搞掂，係中間少左ｄ畫，已經叫左戴戴番去畫，跟住落去打排，超搞笑，班師奶真係唔識打排球架，係小學我地ｄ女仔個排球控制得好過男仔，男仔開波好過女仔，但上到黎成班師奶都唔識控制個波同開波，一係就打到鬼死咁大力，一係就超級細力，我真係比佢地笑死，之後４０分就走左．．．

ＤＡＹ　Ａ　　１６／５

運氣：９９.９％

開心：１００％

今日開心到冇野好講．．．

上Ｐ．Ｅ．堂超正，熱到發火，跟住又要測驗喎，好彩係測周灝賢好唔掂既排球，分數都唔算低．．．

英文堂，比ｍｉｓｓ超激死，第二堂先派卷，第一堂係到教書，不過第６６頁最高果陣ｔｏｍｍｙ　ｉｍ真係好似周灝賢，如果加多粒墨既話就仲正．．．（點解今日咩到關周灝賢事既＝　＝＋）不過ｍｉｓｓ超ｄ字真係好令，令到個黑板黑完全睇唔明佢寫咩，我又好奇怪點解佢自己睇得明，就算係何志明老師 自己都未必睇得明佢啲鬼畫符啦．．．

第二堂，派卷，臭臭子證實精神病發，成堂笑到我死咁滯．．．不過唔想講，講黎都晒氣．．．

放學之後ｍａｔｈｓ　ｑｕｉｚ，又係好無奈，份individual 1 & Gp Event都算好容易，但係individual 2就．．．個黎凱業．．．人地第一個做完哂佢都未做第一題，仲要比倪佬之後又計一餐，再比董叔計，第一份我完全冇掂過，第二份董叔傳比我果陣得番３秒，第三份傳比我果陣都好ｄ，有４秒，不過２３４題都冇掂過，最後就．．．

不過好彩最尾都贏左，忠社第二，雅社第三，仁社第四，本來未計最尾果ｐａｒｔ仁社第二架，放學周灝賢仲走去串雅社ｄ人，點知比人串番話計完最尾個組別之後仁社包尾．．．（注意：又關周灦賢事．．．）

冇寫