丫!!!!鴉丫!!!!!!!!!!!
尋日睇完鴉 (正確黎講係今日凌晨)
我實在睇到呆哂, 我未見過一套卡通片3D + 2D到連 隻怪物 真樣都睇唔清楚
即使係主角鴉都剩係見到隻身黑色, 隻眼好似紅綠燈咁 轉黎轉去
然後就拎住把爛鬼劍屈哂機, 人地隻怪物大又大過佢, D攻擊一浪接一浪
但鴉就剩係拎住把劍「我劈! 我劈! 好野! 贏左啦!」<<<<<<英雄!!!!!!
雖然無可否認戰士鴉真係畫得好型
但型好似大哂咁, 把劍到最後可以突然變大一下斬死隻怪物
咁點解你唔一開始就變大把劍斬佢一下咪算數囉
係都要好串嘴咁 比佢打兩野先攻擊= V =
火影 + 死筆, 之前都可以睇到我唔眨眼
但呢套大受好評, 上網D人吹到勁一勁話 咩當今史上最值得睇完又睇既卡通
我睇左五分鐘就想去玩電腦
十分想去搵野食
十五分鐘差D訓著左
二十分鐘要去洗臉清醒下
二十五分鐘終於頂唔順一路玩電腦
三十分鐘直頭係到聽歌
三十五分 玩NDS玩到佢做完
或者可能只係第一集只係一個少少既序
我唔知第二集會點啦
但講真我而家剩係知有 個好型既人可以變身 做超人 周圍去打怪物
就好似超人大集合 + 卡通化咁, 第一代鴉 第二代鴉 同第三代鴉
不如 叫 鴉老豆 鴉老婆 鴉弟弟 咪仲好聽, 直頭將個名「鴉KARAS」改埋「鴉強戰回歸」
仲等我捱眼訓 睇哂佢, 除左畫質之外冇一樣係令我覺得值得睇落去
算啦
抹下嘴先
－－－－－－－－－－－－－－－－－－－－－－－－－－－－－－－－－－－－－－
吹完鴉就吹下第二樣喇
唔知有冇人玩過NDS 就FF3啦
正常男仔有NDS都會玩下FF系列既
除左新出既FF IV玩唔到之外 NDS FF系列我就剩係差呢隻
我尋日開始玩
開頭冇職業果陣真係幾無聊下, 主角拎住把劍打天下??????
我真係唔明點解一把就快斷既劍可以打贏一隻 有青山醫院咁大既海龜囉
你話「GAME隻隻都係咁架啦」
我又問喇..... 同樣係龍, 水龍同龍王巴哈姆特 屈哂機咁
但打到中段有條火龍閃出黎, 又廢到乜咁喎
再打到好後面, 係水之神殿入邊, 哇, 遇怪率真係有姚明咁高, 行兩步就遇怪
仲要你行左一大段路先發現原來等緊你既 只係一個寶箱, 寶箱入邊仲要唔係咩金銀珠寶神器貴重野
只係一個係商店最便最便既一樣野
算喇, 當佢因為出左20年劇情同埋系統保留番原本咁
但個畫面都改好D丫, NDS大作既畫質真係低到咁, 仲要玩到LAG機
用番同樣係 NDS FF系列既 亡靈之翼黎比較
哇, 最大最大分別, 就係隻飛船
亡靈之翼隻飛船係 超型超型
但FF3就剩係 得架連直升機都不如既廢物, 變型仲變做一隻帆船...........
算啦, 就當我唔識欣賞~"~
( 謎: 如果講畫質, 日本三大RPG之一既 DQ咪仲衰過FF = V =! )
－－－－－－－－－－－－－－－－－－－－－－－－－－－－－－－－－－－－－－－－－－－
呢排唔知點解睇親電視都特別多意見
首先 一定要講下吳雨霏, 係佢FANS就唔好睇落去
有人話佢唱功得, 但我就話一D都唔得, 聽佢首迫得太緊, 「哇! 咁高音都唱得咁好既~~~」<<唔知邊個同我咁講過
我又聽下, 又真係唔錯啵
跟住又見到佢同小肥合唱左首迫得寵物太緊
聽完之後我對吳雨霏完完全全改觀, 同樣都係唱迫得太緊竟然可以差咁遠?!
又唔講佢唱功啦, 講下佢D衣著
叱吒903頒獎果日, 佢果件杉我相信 行足20間鋪頭都搵唔到 仲要搵到都唔敢買果隻
邊有一個歌星著錫紙上身架=口=
仲要學人化哂妝咁, 我話佢化到成個馬騮屎忽咁
唔係咩? 搽D啡色既東東, 仲要搽埋 紅到冇得再紅既唇膏
哇! 睇完真係要洗下眼, 真心講句MS FOK都好過佢囉 |
