今日超攰...一大朝 早, 7:30就要去跑山, 同何健亮&肥倫, 由城門谷運動場上梨木樹, 再由信義附近果到兜上城門水塘, 攰死人, 去到城門谷搞野公園, 見到d車牌都好令....
一直行, 行過左一條類似水壩既水壩, 繼續直剷上去, 為左fan fan god, 為左打倒意粉聯會, 上頂插旗吧!!!! 行下行下...三個無知既少年闖入左地獄既麥理浩徑第七段, 行左唔夠一陣....出現係我地眼前既....竟然係一個墓....丫!!!!!!!!!!!!!!!!!!!!!!
我地三個即刻調頭走....咁岩有d行山人士上緊黎...聰明既我地即刻諗到跟到佢地, 要死都係佢地死先, 跟住佢地一路上, 上左成半粒鐘都仲未上完, 超無奈....行呀行呀, 終於, 前面係一條落去既樓梯, 我地好唔興奮咁行落去呢條 類似樓梯既樓梯, 行左冇耐, 一條平路出現...我地仲以為....差唔多到終點, 點知, 過左條平路之後, 出現既...係比頭先更長既樓梯....係上果隻....我地見果到已經離開左荃灣既範圍, 所以就番去喇....
落去既同時, 好多行山人士上黎, 好無奈咁, 有條一d都唔令既令仔, 突然同我講早晨 , 雖然我唔識佢, 但都要回敬一下佢...之後一路黎既行山人士我都會同佢講早晨....哈哈, 真係好玩
幾經辛苦, 係超級辛苦, 出左麥理浩徑, 行番出去lu~ 行行下, 見到一隻大馬騮, 好可愛, 但佢走得太快影唔到相, 繼續行, 見到一大堆細馬騮, 太遠影唔到....再行, 見到一隻大馬騮迎面而黎, 面對住步步進逼既馬騮王...三個無知少男到底會點做呢...我地行埋一邊...河水不犯井水, 就咁就比佢行過左, 為左唔好嚇到佢, 我又影唔到相= =""
係落山既呢段時間, 比我見到男童軍.....尤其係周灝賢, 無啦啦話「你地咁得閒黎呢度玩既」....無奈
番到屋企, 食野, 抖陣就出去打波 (真係忙).........因為指甲長既關係...右手食指指甲一篤落個波即刻爆左, 仲流血....痛= =
而家番黎之後就係好攰, 我又好似傷風, 後日要hist test, geog news/eng news都係聽日交, 後日又要交好多art功課......好多野做呀
衰婆XDDD
今次QOOZA冇講你添XD |
