尋日好早熄左機,所以冇打qooza...我都唔係好記得尋日做過d咩lu...剩係記得尋日係麥記打機見到蔡嘉佬...

講番今日,真係黑過墨豆...一起身又係攰攰攰攰攰...搞到我又訓左係梳化成半粒鐘...番到學校居然未打鐘...上到課室,又係咁,係到玩,本來就做數學wordshit既...不過做得勁快,要多謝董加幹,楊浩怡同李屎(正確黎講應該係多謝董加幹比楊浩怡抄到多謝,楊浩怡講答案比我知,多謝李屎講個更正確既答案比我知)...跟住就死去玩,冇乜野既...

跟住打鐘,番位,miss jam入黎上堂,今日講果d咩咩盡訴心中情,真夠囧...不過都算老師識做,唔使我同我隔離果個一組,同楊浩怡調位,同董叔一組,nice~!!!!!!跟住玩A同B啦, 蔡嘉佬負責抽, 抽中佢自己, 強爆...不過要多謝佢既係我唔使做講3分鐘果個...到討論5分鐘果陣,我同董叔+前面周灝賢狂傾計,幾乎冇傾過個題目-V-不過董叔拎到果張草鎬紙上面有三個老師既樣, 其中一個居然係韓志坤...囧囧囧" 後尾周灝賢拎住支筆想畫花老師塊面,比老師見到,收左,仲累埋我同董叔-V-後尾董叔冇事...

之後5分鐘過左, 蔡嘉佬開始抽人, 算你識做啦, 冇抽中我...王穎叉講MISS FOK真係好猛...可以真係話盡訴全班心中情-V-跟住唔記得邊個話區紙巾好人@@...後尾呢, 蔡嘉佬做完主持人啦, 再抽...抽左叉燒儀(姓蔡果D特別好運, 蔡嘉瑜都出黎講左兩次)做主持, 鄺肥同王穎叉做計時員...係呢個時候, 傳說中既CHICKEN WING同 傳說中既狂日月調左位,從此四麻佬一組~囧...今次都算討論啦,董叔被迫做左主席, 周灝賢做左文書...我同戴戴負責講...開頭呢...董叔講得好正,話周灝賢係縮頭烏龜...不過得佢係姐,我地其餘三個唔係嘛,所以最後都係用左馬騮...傾掂哂D野就要諗開場白, 原先講好左話:「今日既燈光好囧, 太陽更囧, 草系既寵物小精靈都好易出到陽光烈焰~」不過出到去講果陣掛住笑,唔記得講最尾果句,哈哈...跟住我同戴戴內訌...佢唔肯講...以下係我地匯報內容:

動物:馬騮

原因1:馬騮活潑可愛美麗動人

原因2:馬騮好多毛...其實係NORMAL...

原因3:馬騮好COMMON(其實呢個我唔明-V-)

 講完之後收結都冇講就閃左人-V-

講完LU~終於開始捉棋,鄺肥佢地要開班會, 串串串~周灝賢VS董叔...圍棋,諗住董叔贏梗,點知周灝賢都唔差-V-最後竟然比周灝賢贏左董叔...如果我高峰時期都應該勉強贏到周灝賢既...不過我冇捉成年幾兩年,唔識捉LU(轟飛)...跟住董叔為左報仇, 同周灝賢捉象棋,捉左唔知三盤定四盤...戰果唔講啦-V-...後尾見到我原本個位果邊蔡嘉佬同楊浩怡捉,楊浩怡果然是唔識捉的,囧" 跟住倪肥拉左我去捉棋, 呼呼, 有少少驚, 話哂倪肥都好勁-V-開波LU...諗住用巡河車,點知唔記得自己上左卒仔,搞到半邊棋盤D棋同倪肥D棋鎖死哂...不過我仲有一砲一卒可以用, 倪肥得一隻卒, 哈哈...後來董叔過左黎, 倪肥終於同我博過...後尾經董叔指導, 使出董叔絕招~!雙車單砲...點知同董叔同一下場,比倪肥果邊諗到秒殺我既辦法...唉...真係黑仔,明明我差一步就贏架啦-V-...

跟住就到董叔同倪肥捉兩場,戰果唔講,再到我同倪肥捉多場,輸左T.T...倪肥果然高手~跟住放學同TINO去左麥記再續未了綠...捉多一場,順便食晏...TINO好屈..打超激進法,佢一開始唔理我有馬都沖上黎食卒,狂同歸於盡,差D唔夠抽...好彩後尾等佢唔留神捉死左佢...哈哈...期間SU主席同班FD黎搭枱,哈哈@@~

番到屋企就係真正既惡夢,本來都冇乜事既,又係MSM咁...後尾甯文懿同我講話楊浩怡嬲我話我改佢花名@@?囧,...

今日唔使番學，太感動了ＴｗＴ

朝早，勁早起身，本來約左黎凱業１１：３０落街玩，玩完番小學，但佢遲左起身，所以遲左好多先出門口……係等佢既同時，另一個小學同學打電話黎搵我，話一陣唔知幾點係學校等，一齊去食飯，講完諗住收線啦，點知佢話佢地約左范叉叉１０點學校等，囧！果陣既時間係１１點幾，差唔多１２點，我即刻同黎凱業講話我落去先……

落到去，望下學校入邊，冇，跟住就周圍行下啦，都唔見，諗住佢走左，跟住就企左係一到等黎凱業，跟住比我見到一個年約６０，著住綠色杉既女子係附近，我覺得佢好熟面口，不過果時我戴緊舊果副眼鏡，所以以為我認錯人……後尾佢行埋黎（因為要行我後邊條路），佢個樣真係好面善，佢再打電話，話搵戴詠琪？我小學同學？跟住我肯定佢就係范叉叉（我真係唔係幾認得－ｖ－），但係佢都見到我，但好似唔認得我咁－ｖ－（因為我升中後樣賤左好多）我忍－ｖ－我跟住佢後邊（囧人：色狼呀！！！！！） ，等佢行番轉頭果陣我講左句：「你唔認得我？」佢即刻急退數步黎個鯉魚翻身企定，嚇死左，仲丫丫聲－ｖ－

跟住我當冇野－ｖ－去番果個位等黎凱業，跟住佢都行埋黎等，間中同佢傾左兩句，黎凱業黎到佢就話要番教會，走先－ｖ－跟我同黎凱業就去打乒乓球……行到去乒乓波枱果到，居然有好多個麻甩佬係到訓覺，嘔電……跟住番左去學校，入去睇獅藝採排，唉，心灰……想當年，我四年級果陣獅藝第一年招生，果一批學生舞獅舞得幾好，我第二年就入去玩，我地係夏德建體育會教既小學當中都叫做係精英份子，成日攞獎（冇次冠軍咁解），可惜，我六年級既時候第一批既人走左好多，入左好多新仔，不過都算，冇大問題……到到第二批（即係我果批）都升埋中啦，剩返既十個有八個都係新人，不過我都諗住冇乜事，因為我地師傅實在太強了……點知今日番到去睇佢地採排，真係頂唔順……睇完就走左去再睇下乒乓波枱到有冇人，冇啦，打得ｌｕ……

打到差唔多兩點，番小學ｌｕ∼ｄ攤位都仲未玩得，因為要上左禮堂聽果ｄ咩咩嘉賓致謝詞咁既，非常無聊，亦有少少好笑，因為佢地ｄ讀音真係好正－ｖ－聽完哂啦，有條友坐得勁型，諗住佢去開大場合－ｖ－後尾剪綵果到，ｄ一年級生拎ｄ豬肉刀比佢地，「ｂｏｍｂ」一聲咁，飛左ｄ唔知咩出黎，痴左係風扇到，哇，神彩（帶）飛揚呀……呼呼，跟住就係一連串既英文表演，首先係二年級既英文版「太陽和北風」，開頭真係聽唔到佢地講既係north wind－ｖ－不過佢地真係讀得好正，甚至正過我六年級果陣－ｖ－跟住就到四年級既，哇，頂唔順，佢地仲讀得衰過ｄ二年級多多聲，完全聽唔明，聽到我鬼死咁悶，同黎凱業鄺錦銓佢地落去玩攤位……一落到去，搵左勁耐ｄ遊戲卷，搵到第一時間去拎野食……有唔辣既辣魚蛋，燒賣……另外一個攤位就有唔知係咪西米露既野，不過都幾好食……

食完哂就去參觀下，因為未點睛（獅藝）所以未玩得，等左一陣終於都開始獅藝表演啦，見到中間隻獅頭就發火，個獅頭顎到鬼死咁高，叫ｄ嘉賓點整條帶呀－ｖ－不過後尾表演都幾好，好過採排好多好多，不過又係中間隻獅頭累事……睇完ｓｈｏｗ，去玩攤位ｌｕ∼首先梗係去玩我地最尊敬既何老師既攤位啦，我係第一位客人，做開荒牛，睇都未睇過個遊戲規則就玩，唉，勁「火羅」，開頭都冇事，抽乒乓球答問題，跟住就要擲豆袋，新黎個阿ｓｉｒ係到教我玩，點知原來佢唔識玩，搞到我冇禮物－ｖ－跟住去左射唔係籃球既球，勁無奈，個波軟林林，同真籃球既重量差幾幾倍，唉－ｖ－跟住去玩果個咩咩粵普咩咩，總知要讀普通話啦，要擲豆袋，中左邊個詞語／句子就要讀番普通話出黎，我擲中岩岩教完既字，都識－ｖ－跟住諗住拎禮物，點知佢係一ｄ　ｋｅｒｏｒｏ拼圖（十幾塊果隻），唉，冇拎到……

玩完就出籃球場玩，去左廖寶珊個攤位，轉輪，轉中左咩數字就要答問題，通常都係比幅圖你，例如一ｄ廢紙、鋁罐等，就要你拎住ｄ細波擲入去相應既回收箱既位到，我揀中左最難擲果個，入唔到，激死我啦－ｖ－都有精美擦膠一個……跟住四圍行，圍住個學校四圍行，行到四點幾同黎凱業鄺錦銓去食ｍ記，頂……佢唔順，我買左個孖芝餐，佢個包等我食完哂薯條都未黎，足知要黎凱業幫我去吹先有－ｖ－食完就坐係到吹水，鄺錦銓話學野走先，我等黎凱業食埋就去打多陣乒乓波，跟住四點五十五分到就走人……

番到屋企都冇咩野做，都係打下機，傾下ｍｓｎ咁，唔同既係我電腦寵小綠寶３８６終於搵到方法打完四大有得繼續玩啦……傾ｍｓｎ就比甯甯七玩成，係咁ｓｄ頭像比我，大家都見到我個頭像無啦啦多左ｄ　ｍｏｎｏ　麗紗的豆雞眼等等……不過岩我風格，，夠好笑……跟住就食飯，食完飯同ｔｉｎｏ傾寵小ｄ野，傾左陣就去煲粥，期間笑死……三人會議，兩個人既阿媽都先後話：「比你傾多ｘ分鐘呀」…哈……傾完就打多陣機，玩ｓｍｓ，跟住就打ｑｏｏｚａ……

唉…今朝勁黑仔……起身之後勁勁勁勁攰…搞到攤左係梳化成半粒鐘咁滯,食野又無黎胃口,食左成三個字咁耐,搞到出門口遲左超多,變左學校打預備鐘我先到……上到去之後照舊畫黑板,畫黎畫去,呼呼呼……

到左呢度,我已經將以下既節目既次序調亂哂,因為我完全冇哂記億－ｖ－ａｍ……首先就好似係咩咩成語既，簡單啦，岩左超多，因為全部都抄我後邊既後邊既後邊既右邊既前邊既前邊姐係我後邊既後邊既右邊既前邊姐係我後邊既右邊果個，哈哈∼不愧係全級第一……抄完之後對答案啦，對完答案好似又做果ｄ咩咩至理名言咁既，無聊到嘔電……跟住又唔知點就小息啦，ｓｍ左周灝賢，ｓｍ完之後就列佢為稀有動物，而家受我地既保護，冇人夠膽再ｓｍ佢架啦ｘｄｄ

跟住就睇果套咩熊爸爸熊媽媽，姐係師奶囧團既續集，餓姐真係慘呢∼佢老公瓜左老襯，佢老母又鬼死咁老，早死早著呀，後黎又對住個月光許願，超級低能的說－ｖ－終於放學啦……距離離開我右邊＋我右邊既後邊＋我後邊既兩女一男就只有一個禮拜，臭臭子要加油呀！

放學之後係麥記坐左好耐，本來諗住做暑期作業，不過點知就抵受唔住呢個食物既誘惑……足知就去左ｔｉｍｔｉｍ同周周＋梁詩正……個ｆｄ梁蝦米張枱到食薯條ｗｉｔｈ　ｔｉｎｏ……食完之後就番位搶戴戴ｄ薯條……真係好笑呢……後黎就開始我人生食麥記最自豪既一件事，就係吞茄汁啦，吞左兩包，一包係戴戴比我既，一包係ｔｉｍ哥到拎，太好食了……（囧人：你這喪心變態狂）

番郅屋企，打左唔夠幾耐機，就比阿媽捉左去遊車河，去新之城搭呢個５９ｍ去屯門碼頭，再轉車去搭最新開果個咩咩深圳線咁既野，沿途架車帶我兜左好多好多個圈，終於都到到邊境啦，係呢度我想問大家，到底我而家去深圳係出境定入境？番番香港呢？我同阿媽係咁嘈呢個問題……好ｋａｉ呀可？過關之後勁熱，熱過香港好多倍，跟住係出邊ｄ巴士站到睇左兩睇，都冇咩地方好去，跟住走左ｌｕ＠＠番番香港，等左好耐車，今次就醒目啦，搭ｂ３ｘ，唔使兜圈，好快番到屯門１……番到屯門再行多陣街（被迫－ｖ－）就有得番荃灣啦，番到荃灣就即刻番屋企……

番到黎都未打過機咁滯……

另外講一下，我地班最新情侶係４２１６，恭喜哂，同性戀終於出現啦∼