2006 年 10 月 16 日 星期一  |
| 第一次捐血 |
分類: 未分類 |
今日六點幾起身then刷牙洗臉睇電視跟住出門口返學,途中都如常錦出奇在今日見唔到堂哥個gf!好辛苦先上晒錦多堂!
放學之後一個人去左旺角捐血,去到填表then見醫生量血壓,完成晒就可以捐啦,當佢插支針落血管時有小小痛,不過抽個時就冇咩feel,唔經唔覺已經抽左一大包約350cc啦,跟住護士黎收好d野同炆針!then捐完血係個度飲左杯美綠同食左包餅坐左陣之後就走啦...
|
2006 年 10 月 15 日 星期日  |
| 平凡的一天 |
分類: 未分類 |
呢幾日都冇咩心情所以冇寫幾日!今日十點幾起左身,起身之後刷牙洗臉跟住坐係床度坐到十一點幾就落樓下買飯返屋企食!
食完就睇台劇睇到六點!有時我真係唔知自己係點ge人黎,有人同我講唔可以過份表示自己,我做到但係就好似整到自己咩都唔識錦,錯過左好多機會~原來真係冇永遠ge朋友... |
| 2006 年 10 月 10 日 星期二 |
| Missing You~ |
分類: 未分類 |
因為之前上網張合約到左期冇續約,所以冇得上網!尋日同香港寬頻簽左約,今日黎整then上黎打日記!過左去ge野唔再打啦就由今日開始打返啦~
今日6:20起身跟住就刷牙洗面換校服睇左陣電視七點到就出門口返學,沿路都冇咩特別,特別就係個心情唔同左特然間好掛住一個人,唔知佢仲記唔記得我呢~童話係佢一首好like ge歌so個板轉左童話希望佢聽到啦!返到去係上我至愛個科Housekeeping跟住d堂都冇咩野,1:10就放學啦同個同學坐mtr!返到屋企都冇咩胃口,但係都食左小小野,之後心情都唔係好好so選擇左訓教,一訓就訓到成七點!起身就食飯同睇電視八點幾就沖涼...
忘了有多久再沒聽到你對我說你最愛的故事,我想了很久我開始慌了是不是我又做錯了甚麼,你哭著對我說童話裡都是騙人的我不可能是你的王子,也許你不會懂從你說愛我以後我的天空星星都亮了,我願變成童話裡你愛的那個天使張開雙手變成翅膀守護你,你要相信相信我們會像童話故事裡幸福和快樂是結局...
|
| 2006 年 9 月 29 日 星期五 |
| 心情好的一天 |
分類: 未分類 |
今日如常錦六點正起身啦,刷牙洗面後一邊睇電視一邊飲麥片,飲完之後就換校服,再睇左陣電視就出門口返學啦!岩岩火車落車去塔mtr時特然頭痛,初頭都冇咩事,但係岩岩上左mtr開始痛到睇唔清楚野,所以係樂富落左車坐左一陣,開始好小小先塔返mtr去觀塘返學!
返到去上左一堂廚務之後到12:30都係上餐樓!上完一堂廚務,之後就一半人上餐樓一半人上廚務,個堂廚務係學整Sponge Cake!上左堂餐樓就係小息啦,小息同幾個同學去左餅房睇下另外半班人整緊咩,不過阿sir係度冇入到去!之後返課室繼續上埋三堂餐樓,上到十一點幾阿sir比我地放break,then同個同學又去餅房不過阿sir又係度,因為我地知道教Beverage個miss係示範餐廳度,之後我地就去左示範餐廳,,原來佢空堂唔怪得知一個人係度啦,miss好好人請我地兩個食雪糕,食完當然唔走住啦,同miss傾下計,請教下miss調酒d野又問下佢d私人野都傾左成半個鐘,之後我地幫miss推返d酒去酒吧度,跟住miss返返教員室啦!我地當然唔會錦快返課室啦,再去餅房,今次阿sir仲係度,不過我地照入去扮係佢個組,入到去食左個新鮮出爐ge餐飽,跟住先返課室上堂!返到去阿sir冇問我地去左邊,錦我地上多十幾mins就放學啦!miss個病仲未好返已經病左一個幾星期啦,係度再祝佢早日康復^^ |
| 2006 年 9 月 28 日 星期四 |
| 無聊的一天 |
分類: 未分類 |
今日六點正起身,刷牙洗面後睇左陣電視就出門口返學啦!今日因為我早左出門口所以就冇見到個o個女仔啦!如常塔火車轉mtr返到去又係冇咩特別,特別就係lunch前一堂F & B轉左Beverage,Beverage學左整一杯drink不過d味道好似怪怪地錦!落堂個時miss話"我成日著住件冷背心好攪笑呀"都唔係好明點解會好攪笑^^miss真係可愛啦^^今日lunch只係同一個同學去翠屏村食lunch,lunch後就係上英文同tourism,今日終於見到tourism個miss笑,但係佢講書都係錦悶!放學之後就去左旺角買西褲同黑皮鞋,跟住返屋企!
|
| 2006 年 9 月 27 日 星期三 |
| 人生中第二篇網上日記 |
分類: 未分類 |
今日六點鐘起身,起身就開電視睇左一陣跟住就梳洗下換校服,再睇一陣電視就出門口!去到火車站等車啦,今日奇怪在個女仔遲左,我上左火車一陣就見到佢係電梯度跑落黎,不過車門岩岩好關上,佢就當然上唔到車啦!去到九龍塘買左d野食跟住去mtr度買飛,唔知咩原因竟然會又撞返個女仔,入左閘咪等mtr去觀塘!
返到去都冇咩特別,特別在上普通話堂發覺自己d普通話退步左,跟住上Beverage呢堂miss教雞尾酒ge來源,then係lunch同幾個同學去左翠屏村食lunch!lunch後仲有兩堂Beverage本來今日都唔係好開心ge,但係上Beverage飲左d酒又見到miss錦靚ge笑容特然又開心左^^兩堂學左整4杯drinks~miss病左成個星期,就係度祝佢早日康復啦~15:03收到ling個 message話鑽石山荷里活廣場有招聘會,但係最後冇去返左屋企打網上日記! |
| 2006 年 9 月 26 日 星期二 |
| 第一次寫網上日記板 |
分類: 未分類 |
今日係我第一次寫網上日記板,希望可以發揮到日記板作用而唔係告事板作用!今日好唔夠訓,所以6:20先起身...尋晚因為某個人之前對我做出某d事所以成晚都好唔開心成4點先訓到...有人曾經同過我講:您自己點對人,人就會點對您!但事實上您對人好,人地唔一定要對您好,仲可以玩返您轉頭!我都唔明我真心關心佢,佢唔聽就算仲要話我成日話佢!上星期我發燒,我都諗左成朝同唔同佢講好又驚煩到佢,最後我同左佢講,只係得一句錦嚴重呀,之後幾日都冇理過我,我有冇好返佢都冇問!個一刻個心真係好痛...特然間個腦出現 我终於死了心把它埋入土,眼睁睁看着它化成灰(歌詞)之後拿部mp3聽左呢首歌(阿龙正罡 - 死了心)之後冇幾耐就訓左!
到左朝早起身真係唔係好夠訓,但係都要起身返學,跟住行樓梯落樓,去到火車站又係遇到個o個女仔由9月返學開始差唔多日日都會見到個o個女仔,開頭都唔為意但係真係想唔在意都唔得,因為次次答7:20列火車個女仔總會企係我附近,到左九龍塘佢一定會行係我後面跟住去買飛,落到MTR月台我地好不其然望一下對方!跟住佢就會係油庥地線度等mtr,我就係調景嶺線等車去觀塘!
返到去第一堂就係上我至愛個科Housekeeping,今堂都收穫唔小都學到room service ge野!跟住個堂係H. Management要自我介紹好彩未到我姐...跟住上Coct Control到我自我介紹啦,竟然出到去自己住邊都唔記得><之後係英文堂!上完英文再上多堂Coct Control,最後一堂就係Housekeeping,話明係最後一堂當然唔會有之後啦...跟住就坐mtr再轉火車返屋企啦!返到屋企食左d野特然想打下網上日記跟住咪打囉,就係錦啦... |
|
