~今日落左入春以黎嘅第一場大雨，心情特別舒暢，唔知點解我好鐘意落雨，好似雨水可以洗滌我嘅心靈咁(中文考試好似又有篇文講落雨)，聽到啲雨水打係窗台所發出嘅鈴鐺般嘅聲音時，我就覺得好舒服啦！

~我終於學識左整麵啦！媽咪教我點樣整，跟住我就自己試，我好努力咁搓啲麵粉，出左好大力啊！過左大約三十分鐘，我好唔容易先整到舊麵粉非常柔軟，媽咪仲話我搓得靚，梗係啦，我當正係我仇人咁搓架......整完麵粉之後，媽就切開啲麵粉，我就拉長啲麵粉，我仲扭吓啲麵粉，點知就咁整到啲「扭扭粉」出黎喎，我最鍾意就係呢一part喇！好快，啲粉就煮好啦！估唔到我第一次嘗試就好成功，啲自製「扭扭粉」又真係好好食啊，等我得閑又整先！