好耐冇打過日誌喇，因為呢幾日都係度煲書，又好累，所以唔上黎打，但係近日聽到某某人嘅投訴之後，終於激勵到我上黎喇，咁今日就同大家講吓上個禮拜去朗豪坊嘅事啦~

---我哋去到左之後就即刻上去無印良品度掃野，我買左好多本筆記簿，有大、中、細，總之好多啦~跟住又買埋全新筆袋同埋好多原子筆，我都係鍾意用反無印啲筆，因為之前用開Uni Ball，覺得佢寫就幾好寫，不過就好易斷墨，跌兩跌就完全唔用得，所以就諗住用Muji啲筆，啲墨又靚，又冇咁易爛，個款都幾好睇，唔錯~我仲買左好多file...使左好多錢啊~~~

---我哋跟住就上CD Warehouse，好似係最頂嗰層...諗住睇吓啲CD咁啦~行吓行吓，突然發覺之前錯過左嗰部<L~最後的23天>個VCD版淨係賣四十幾蚊啊~正當我諗住沖去俾錢嗰陣，突然發現展覽架上面擺左JAY嘅2007 World Tour DVD + CD啊!!!我又好想買喎，點知一睇個價錢... $ 117~~~( 可能你哋會覺得唔係幾貴，不過對我黎講就係喇~ ) 後來，媽咪行過黎話，你鍾意邊套，我送俾你啦~我好矛盾咁揀左阿JAY嗰套啦~雖然幾貴，但係有埋CD喎~而且我真係有小小偏心JAY嘅~~~所以唔好意思喇，L，等我儲夠零用錢再帶你返屋企啦~~~

---行完之後，我去麥記食左成個雞扒沙律，阿媽就食左一個Cheese Cake，食飽飽之後就出Bossini買左頂帽，好累啊~之後就齊齊搭車返屋企lu~

今日講住咁多先~下次同大家講返上個禮拜嘅棕櫚島Resort 2日1夜之旅啦~