好耐無打過日誌喇~因為近排qooza成日都上唔到，或者好慢( 而家先知原來俾人惡意攻擊個伺服器 )，加上近日心情都好鬱悶，所以冇心情打~今日都好啲啦~咁同大家講返去棕櫚島嘅經歷啦~

---上車之後，我就即刻攞個手機出黎，跟住塞住對耳仔，一路聽歌喇~聽啊聽~話咁快就三個鐘，我哋就到左棕櫚島resort啦~(過關嗰陣我好唔滿意個工作人員，不過呢啲小過節就費事提喇~)

---去到之後我一落車，就覺得嗰度幾有東南亞風，唔單止啲建築物，個天氣都好似(勁熱啊~~)跟住就入左個有冷氣嘅餐廳...仲未食得野住!!!我哋要自己整pizza食啊~唉，雖然話本來我都幾有興趣嘅~但係我真係好肚餓啊~算~我聽完佢講野之後，就開始整pizza喇...呢個時候我唔咩都理，全部配料都掟曬落個pizza度~有幾多擺幾多，我仲問佢攞左勁多芝士，放曬落去~然後我仲要等二十分鐘，待佢焗好個pizza，係我不停灌左十幾杯汽水之後，有個肥仔係我隔離勁串咁話﹕「小朋友唔好飲咁多汽水好喎!」(p.s.佢大概係九歲左右，對住一個大姐姐講小朋友!!!)我睥左佢一陣，然後攞我嘅x光由頭掃到佢落腳~我都費事理呢啲小朋友，就對住佢飲曬成大杯汽水~~~後來我都覺得自己有啲無聊...就唔理佢，等個pizza黎~

---過左一陣，香噴噴嘅pizza終於出到黎喇~我認返自己個四號pizza，然後打開......嘩!!!真係令人垂涎三尺，色、香、味俱全啊~

---食完之後，我哋就上房擺低啲行李，然後再去一個叫野火營嘅地方玩...嗰度淨係可以玩wii，電腦，乒乓波同做gym，我好無奈咁睇左一陣波，然後就搵部電腦，坐低睇吓有咩玩~本來我都冇諗住玩嘅~但係發現左個賽車遊戲，個畫面勁靚喎，於是就開始玩喇~(呢個係自我三、四歲玩過泡泡龍之後，第一次玩game啊~係人生一大突破!!!) 玩吓玩吓就開始上手喇~我都估唔到自己原來係有打機嘅天份架~唉~真係埋沒左~我係度玩左兩粒鐘，真係唔捨得走啊~個game真係好好玩，仲好過去玩wii~^^

唉~今日講住咁多先啦~下回待續!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

放左暑假之後，我真係好悶啊~啲書同埋鋼琴就係我最大嘅樂趣~間中落下圖書館，大家得閑都去吓啦~話唔定可以撞到，大家傾吓吖~

我聽日開始就要去會展個中藥展度消磨喇~點解?因為我要向表姐同martin哥哥打暑期工!!! (童工?!)講笑啫~我係唔收錢去幫手，係義工黎架~而我偉大嘅工作就係..............

係個攤位附近派傳單........

雖然我未做過，但係都好嘅，冇咁悶，仲可以體會吓派傳單嘅辛苦(不過會展有冷氣)，以後真係打暑期工都捱得吓吖嘛！我都預左人哋有一大堆檸檬請我食架喇~不過我都會加油架!!!