~今日去左圖書館借書，有好大收獲啊！係無意之中居然俾我搵到《不能說的秘密》嘅電影改篇小說版，啲內容其實一樣嘅，不過只係換左用文字黎表達。雖然我錯過左個電影版，但係睇小說嘅feel都幾好嘅。不過係圖書館竟然撞到袁景輝，破壞曬我嘅大好心情，真係可惜......

~順帶一提，我仲借左兩本衛斯理，自從上個星期五借左呢《尋夢》本書之後，我就鍾意左衛斯理呢個系列喇！我覺得倪匡(作者)真係好有想像力囉，但係佢想像之餘又不失條理同埋根據。另外，佢係書入面都有表達到自己嘅睇法，例如佢係《尋夢》就表達左佢對前生嘅睇法，再加入一啲情節，令人睇完之後都不禁閉目沈思。所以話睇佢啲書會「上癮」，又唔係無根據嘅，唔怪得知佢而家發過豬頭啦~~~

~今晚練琴嘅時候唔知點解突然好有feel啊.......點形容好呢......借用《不能說的秘密》嘅電影改篇小說版嘅一句話﹕彈着琴時真的很......很有那麼點甚麼.......那麼點甚麼......勉強說，就是好像手觸摸到琴鍵時...有點兒微妙的感覺...算了，說了也是白說......

總括來說，今天就是沈浸在文字和音樂當中度過的啦......