今日，詹Sir借左本數學書俾我睇，都幾好睇啊！反正我都未睇過呢類型嘅書...

舒偉同馮顯輝分左手啊...今日成日馮顯輝都好灰咁，真係好可憐啊！原來失戀嘅感覺真係咁痛苦架，希望我唔會好似輝哥咁啦~~其實我覺得舒偉一早對馮顯輝冇感覺架喇，佢哋行埋嗰陣都冇野傾，雖然馮顯輝對舒偉係好真心，但係舒偉一直都唔係咁着緊馮顯輝，佢哋都預左會有今日架啦，不過係時間問題啫...反而舒偉佢好似咩事都冇咁，真係睇到都覺得慘~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我問過我兩個死黨對於你同我嘅睇法，一個話你係唯一一個襯得起我嘅男仔，如果其他男仔嘅話，對比起就相形失色...另一個就話其實我同你唔係幾襯，都唔知你有咩值得我去愛...

其實，就攞舒偉同馮顯輝黎講，佢哋睇起又真係好襯，不過最後都係分手收場。其實愛唔係講襯唔襯，最緊要嘅係真心。

有人話我太痴心，人一世唔會只係愛定一個人。但係我覺得如果真係兩情相悅嘅，呢樣野就一定唔係問題。就算我點我都唔會忘記你嘅，即使當我哋都大個左。

我到幾時會唔愛你﹖

...

直到你唔再愛我嘅嗰日...