今朝起身，以為係0730，但係換哂衫先發現原來早左一個鐘起身，真失敗-.-

  朝早因為早左翻到學校，所以以為個校門鎖左，以為唔比入-.- 點知搞左一輪先知入得-.- 真係好失敗
入到落上班房。但係臨入課室嘅時候比個校工喝住，話:「搞緊清潔呀!」，所以落左canteen，之後區生先落黎canteen話聽到就落黎，真係異常的失敗-.-

  學完單簧管之後，我諗住落去睇自己咩班，但係因為太多人圍住個board睇-.-，所以放棄左，加上已經從我嘅同學口中知道我分左邊班，再者我....冇興趣-.- 講真....我對我嘅中二冇咩期望，所以啲同學係幾頑皮，啲老師係幾兇惡，啲人點睇唔起我啲成績我都唔會理，亦都無興趣知.....依啲野不如等中三先啦-.- 仲有新同學嘅問題.....依個呢....總係覺得冇咩所謂嘅....因為我諗好快就會熟絡，同埋都有我嘅小學同學入左黎我中二嗰班....所以依個....應該唔係問題....呱?-.-

  唔知點解依個暑假一直有種不安感，覺得升左中二之後會有好多野煩，仲有好多野要理....當然更加唔想去讀書啦.......不過一定要讀-.- 唔止，仲好想留喺中一，唔係驚升中二嘅原因，而係因為我仲未喺中一玩夠。加上，我感覺到一種失緊憶嘅感覺....唔係，應該話記憶力衰退嘅感覺....乜都記唔上心。姐係話，如果我上中二嘅歷史堂，我根本記唔到啲年份。

  講開學業，我諗起政府將通識立為高中主科....諗起都煩，政府都冇嘅野(成日跟大陸)，點解要我地有呢? 係咪應該要佢地以身作則，上下依堂先呢?.....講黎自己，我係一個冇主見嘅人，姐係成日會跟大隊.....獨立思考呀-.- 上左高一級，姐係離要讀依科嘅距離就愈近。.....不過我唔理喇-.-，玩+讀到嗰陣先算。

  後日翻學....太快喇呀嘛!?-.- 暑假過左=冇過 次次依個時候就要面對同好朋友分開嘅無奈......不過，everything will be ok, so let it be.