今日難得一個人撘地鐵放學，見到個平時喺課室癲癲地嘅女生。

我冇同佢打個招呼，始終怕佢又瘋瘋癲癲咁同我講野。所以我企遠啲，驚佢見到我。但係始終都係同學，都會留意佢嘅。我見到佢一個人真係冇咩動作。佢就咁一條柱咁企喺到，唔似喺課室亂喊亂走。淨係見到佢得閑周圍望，又照下鏡(地鐵車箱門嗰塊玻璃)。我好細心咁觀察，睇佢究竟幾時會亂黎。但係到荔枝角佢落車都冇咩異樣。真係好佩服佢可以咁靜咁企喺到等幾個站。

我諗除左楂住本書or報紙嘅人會喺到睇，又或者楂住部機打嘅人，冇咩人喺坐地鐵嘅時候唔覺得悶。但係，我而家先知，原來一個人喺地鐵真係可以靜成咁。不過都有例外嘅....我依類成日自言自語嘅人-.- 睇黎，一隻手掌真係拍唔響......