岩岩先番到屋企...好累呀...不過今日好開心呀...好耐都未試過同咁多人一齊玩啦...平時好小同fanny仲有阿葉出去玩架...今次真係一次過滿足曬我D願望啦...差在鄒妹遲左...我只可以見佢一陣就要走啦...鄒妹果D芒果真係幾正架啵...食左兩件...仲勁想食...

今朝六點就醒左一次...之後六點幾又醒多一次...七點鐘又醒多一次...七點十一分又醒...跟住頂唔順就起身開始執野啦...我洗完個頭就覺得時間真係過得好慢呀...後黎就出門口...D時間又好似過得好快...約左阿哥係巴士站等...第一次見阿哥...唔知佢咩樣架囉...不過見到佢果陣勁好笑...佢帶左頂帽...開頭都唔係好睇到佢咩樣囉...後黎同佢一齊答車...差小小遲左落車呀...九點零幾分就到左地鐵站啦...我靜係見到阿琳炸...後黎過左無耐...見到月月...原來佢地約左係第個出口等囉...一早到曬就早講啦...搞到我地三條友勁kai...後來等多一陣就差唔多到齊啦...見到阿葉果陣真係唔多認得佢呀...佢瘦左好多...都令左呀[[不過唔話佢知...等佢唔好咁自大呀]]...等等下...我見到一個樣貌似奶奶既人...我怕認錯人...要等佢行近D先敢出聲呀...佢細佬同佢真係幾似樣...不過奶Dee就好似好串咁既樣啦...差fanny未到= =...我地等陣好耐...差唔多成半個鐘呀...跟住入到去又要買野食...等左勁耐...差唔多12點佢地先買完野食呀...我同阿哥仲有fanny係度食風...凍死啦...我同fanny一見到太陽出黎果陣不知幾開心呀...兩個都轉左一半身去曬太陽...哈哈...佢地買完野之後...開始起爐...D男仔好衰呀...掛住打機...一D打PSP...一D打NDS...得我阿哥係度起爐...阿哥真乖...佢地買完野番黎果陣...阿琳叫我去佢果邊...我都唔知咩事架...不過佢話送比你架...跟住拎左個生日蛋糕比我...好開心呀...我其實好想開左佢黎食架...不過佢話等陣燒野食先...加上佢地都唔知我想食先...所以就燒野啦...阿哥好快就起好左個爐啦...而夾夾佢地果邊...起左一陣又去打機...打一陣機又起爐...無奈了...阿哥起完我果邊個爐...幫佢地起埋先有得食野...哈哈...有個阿哥真係好...成班男仔都好似唔多食野咁...食左一陣又走去打波...有D又打機...好似無一個人落過沙灘玩囉...真係浪費...我仲知有個人咩都無食...睇黎佢都係唔開心架啦...不過都好多謝佢句生日快樂...但係你果個生日快樂早左小小講呀...我生日都未到...不過有咁多人陪我慶祝...我好開心呀...我都希望係我身邊既人...可以開心一D...其實你地有咩唔開心...可以同我講架...你只要講一句叫我唔好周圍同人講...我一定可以口密的...今日有勁多野想問...想問阿奶既野...想問奶Dee既野...想問冰之野...想問夾夾野...阿葉既我都想問架...只係佢好似勁唔開心...我唔識安慰佢...所以我無問佢呀...廢事問多錯多...今日同有有傾計又多左啦...知道左好多野...唔知點解...覺得自己又對有有既了解又小左...唔係因為我唔明佢講咩...只係唔了解從前既佢姐...

食完野之後我地去左球場玩...勁開心有糖食囉...好耐無食過糖咁...人地成筒糖比我拎埋走...收起左黎食...對不起耶...我只係太耐無食糖...多謝你筒糖呀...下次有機會請番你食丫...今日飲左差唔多兩罐ice...第一次飲咁多...我之前都係飲一兩淡架炸...第一次飲咁多...好彩我阿媽唔知姐...唔係下次唔會再比我一個人出街架啦...隔離足球場果D人好衰囉...人地好心幫佢執波...竟然得寸進尺...係咁踢個波過黎...當我傻既咩...我先唔會幫你班傻仔執呀...不過今日真係失敗左小小...打左一陣排球...對手就已經好痛啦...跟住去左玩數字球...玩左3次...不過佢地愈玩愈累...好無引...玩到第3次果陣...佢地個個都話唔玩...阿恆一玩完第3場...就坐左係地下訓著左啦...佢個樣同阿奶真係好似...不過因為佢地對眼...髮色...仲有耳上既環...令我知道佢地唔係同一個人...

其實仲有好多野發生左我無打架...不過我都唔記得曬啦...打住咁多先啦~~~~

好掛住條傻佬...無打電話比我...夜晚訓教果陣sd左個短信比佢先安心訓教...