今日覺得自己靜左...有好多野諗...今日係咁同阿葉寫紙仔...佢話我做咩講D野咁大個咁...我自己都覺...但係都唔知點解...可能因為覺得自己做人既時間耐左...要對自己既野負下責任...好似我阿媽話咁...大個啦...做錯野要自己負責架...無人會幫到你架...你自己既事要自己負責...因為大個啦~~~

大個...我不嬲都唔想架啦...只係e個係一個唔可以改變既事實...改變唔到...就只好接受~~~~~~

今日出左去搵佢呀...一朝早8點鐘就打黎嘈醒我...好眼訓...因為尋晚好夜訓...成5點幾先訓...岩岩先訓著就比人叫醒...算啦都係我錯...唔應該咁夜訓...自作孽~~~~

出到去...唔好提...眼訓死...佢又唔舒服...唔知點先幫到佢...佢又好似好眼訓咁啵...又好似好累...企都企唔穩呀...叫佢番屋企又唔番...不過如果佢番左屋企...我一定喊死啦...但係佢咁病...竟然仲同我講佢要去打機...真係服左佢啦...

事實只是有你在身旁...我便會感到滿足...這感覺只有你能給我...喜歡你的味道>w<"

一朝早阿媽同我講左句..."生日快樂"...我知咩原因...好累呀><

今日番教會...好開心呀...我好耐無番過啦...我是有原因的...大事過後...我會繼續加油番教會...真心去決定...用心去完成...今日我果組既組員...多數都轉左去唔同既組別...我果組淨番媚媚同肥仔係之前同我一組既...我識既就仲有阿細,阿佩,同一個成日係阿佩旁邊既...唔知佢個名點打= =

今日要開始睇"腓立比書"...我咩都未開始睇過...不過今日聽野果陣我都ok專心架...只係聽到個心飛左唔知去邊姐...今日講同心>"<...唔係同自己既心...而係同主耶穌既心...唔係好了解...我問我個妹佢就話明...睇黎我要自己睇= =...我怕睇左都唔明炸...我要加油加油...

為我要做的事作出付出的理由...只能成功...不能失敗...

今日係215呀...今日係學校好悶...好似唔知點咁...今日總係有小小悶悶不樂既感覺...或者係唔習慣班房小左咁多人啦...

今日一放學就番屋企沖涼...等住出街丫ma...想打比阿媽同佢講聲我出街啦果陣...點知阿媽又係果一句...小心D呀...女仔做錯左一次就無得番轉頭架啦...無奈地我都唔知可以講咩好啦...b~day都要比你煩...雖然我唔應該咁講...不過我都唔想你話我姐...

著左條裙出去呀...出到去勁凍...不過我都係唔想著外套...因為著左外套...件衫睇落怪怪地...我地去完食飯之後...就去左睇模型...佢行行下...企唔穩...踩左落水度...我係咁望佢隻鞋...有D想笑...跟住去左行旺角...買左D野...佢竟然話唔食飯都一定要買到...佢傻架[[不過勁開心...]]...跟住去左影貼紙相...果陣已經8點幾...差唔多9點...影得好令呀...

今日同佢行街好開心~~~只係凍左D~~~

 影得好令令呀[[我覺得...]]

個底唔令...不過好小見佢笑...影得唔錯唔錯

佢個面比我遮左一半...不過個感覺勁sweet>w<"

今日鄒妹好有我心呀...佢記得我好鍾意佢D芒果...所以佢拎左一D比我食呀...食左兩個...好滿足呀...今曰214阿媽竟然唔比我出街...我竟然趴係度喊...好慘呀...聽日都唔知有無得出街呀...等我仲特登去買左朱古力...都唔知聽日會唔會溶曬...如果溶曬我真係心痛呀...因為如果溶曬既話...姐係我又要再買過...我寧願比你食左我算啦....講笑的...

祝各位情人節快樂

水瓶和雙魚

“一個願打，一個願捱”的一對。可憐的雙魚给水瓶座“吃到盡”，因為風象及水象根本不協調，陰陽又不同。你們可以在一齊，就是水瓶座完全將雙魚掌握在手中。以感情為第一歸依的雙魚座，一旦愛上理性的水瓶座之後，完全盲目陶醉於其中，而且往往將性和愛等於在一起。水瓶座充份了解雙魚座的性格，他們永遠我行我素，不管雙魚的愛有多深，仍然冷酷做自己喜歡的事，需要時又盡量接受雙魚座的體貼照顧，習慣之後甚至覺得是應該的。最奇怪的是，你們無論如何也甩不掉對方，在一起又永遠有道墙隔住大家。