4日3夜既夏令會 3晚裡面訓左唔夠10個鐘
經歷左好多 亦都有好多得著同感受
特別係會幕 旖旎既講道同敬拜讚美會
首先起會幕 見到大家都盡哂力
有鋸木鋸膠既 磨木 油野 度板 縫布 紮幕 上板 等等
大家都流左好多汗同曬到黑哂  一定好辛苦
每1個鐘既祈禱 每15分鐘就有人嗌「飲水喇!」 好溫暖
每次有人行埋尼話「有冇野可以幫手」就好感動
多謝上帝 多謝你比一班咁好既團友仔 互相幫助 扶持
當起好果一刻  真係好感動  冇諗過真係得左 辛苦哂大家
旖旎既講道 自己被聖靈感動 跪係度祈禱
敬拜讚美會就喊到收唔到聲 特別唱到記號果度
腳步未能踏前 預算路向不兌現 終點總看不見 被固執蒙蔽視線
呢首歌令我諗起蒙眼game 每次我行每一步路都好猶豫
好怕自己行錯路 好怕得番自己一個人行
係祢令我知道祢會陪我一齊行一齊走 你總會係路上面先設記號
立志 我要愛自己唔鍾意既人 將一切交比上帝

面緬組 多謝你地 你地好好 冇dead air
我好記得蒙眼game 大家一齊手拖手 一齊唱呼求耶穌 一齊祈禱
仲有開組呀 一齊食杯麵同分享 呢d回憶我唔會忘記
多謝ada 你帶比我地好多歡樂 仲有把海綿寶寶扇=)
多謝陳wing 雖然check point同蒙眼game成日fake我地xd
但係你好好 好到我唔知點講xd
去墳場果日你帶埋無比滴比我地茶 多謝哂!
仲有奇有呀 大哥哥 我地組長期處於得你1個男仔既狀態
但係你冇嫌棄我地班女仔 玩game果陣幫左我地組好多 特別係路一直都在
詩詩 kitty同wenwen 多謝你地呀都要 幫左西緬組好多
同埋城俊哥(雖然你地唔會知我qz xd不過我照打- -)
成日都借你地間房開組 多謝你地請食西瓜xd
你地未信都肯陪我地一齊祈禱=)

朗豪坊 第一次同你地去夏令會
開組果陣我知道大家都好眼訓 但係你地都捱眼訓聽分享
係act.rm外面祈禱果陣我都諗左好多野
旖旎就尼走 又將會分家 4個女仔都喊左
輝輝話睇住我地長大 靈命成長感動到喊 好衰又搞喊我- -

今次夏令會 經歷左好多
墳場果度 見到好多先人帶住唔同既結局離開呢個世界
果陣我怕自己離開果陣 乜野都冇留低就咁走左
好想人地一眼就睇得出我係一個基督徒
同埋 耶穌好無辜 為我地死 我地根本唔配 但係甘願犧牲 從來冇埋怨過
所以 眼前所有一切 都係祢比我既
可以睇到野 可以聽到野 可以食野 可以聞野 可以感覺到野 係祢比我地最珍貴既禮物
諗起首歌 「如今再沒有可給你  能望以心敬拜你」

今年夏令會好正(Y) 出年見!