因為琴日發燒o既關係，所以今日冇人同我出街街，

包括我家姐，搞到我今日淨係落過一次街咋！！

我不制丫∼

而我今日落o既o個唯一一次街呢，

就係今日朝頭早落樓下餐廳買粥粥食o個次喇，

岩岩開始食佢地d粥o既時候都覺得ok好食o既（真 話），

不過唔知係咪今日食得多，

愈食就愈厭，搞到而家覺得佢地d粥勁難食囉，

我諗就算而家我餓到冇野食我都唔會再去食樓下餐廳d粥架啦！！

講下琴日睇醫生d野啦，

個doctor話我腸胃不嬲都唔係咁好，

加上我前日食錯野，

所以先搞到我又嘔又發燒喎，

跟住佢就開左勁多藥俾我食，有：胃藥、

消炎藥、止痛藥、退燒藥、腸胃藥、止暈藥、止嘔藥•••勁多丫！！！

打都打唔曬。

都係講番今日d野啦，

今日坐o係屋企悶悶地，

所以晨咁早就上左網喇！！

睇左勁多人o既日記丫，

不過我都係而家先知原來佢地都有寫日記架！！