多得Blog 友多多的提醒，知道宜家我的酒樓有請帖送

所以今日下午牛仔同我去彩福拿左d 帖

個麥小姐一席比八張我地咋，仲要係要自己填 lone lone 的

因為入面已經印左佢地酒樓的資料

不過都拿左返屋企比長老睇左，OK 先用，唔 OK 就出去印

我問埋麥小姐報章刊登個度幾時先要比相佢，佢竟然話我地個酒席無得送  

明明3月23號個陣打電話比佢地 (唔記得係咪佢接tim呀)

係電話度話有得送，宜家又話無，真可惡!!

因為無mark度個名，所以我無提出，牛仔又唔出聲

其他野唔問住，因為我都唔想同佢傾，我對佢反感

之後牛仔帶左我去危險地帶，就係旺角啦~!!!

因為佢想去旺電睇Notebook，所以就行左過去!

途中經過元氣壽司，我哩個壽司狂又走左入去，食番幾件先

叫左個赤海蝦壽司，見到都流晒口水，因為好大件下呀

食落去仲好彈牙，又好鮮甜，真係好正啊!!! 

這件是長鰭吞拿魚壽司，我第一次食

味道哩... 唔..都幾似三文魚的味道!!! 不錯!

這件是牛仔order的他他牛，我試左少少他他牛，我唔太喜歡生牛肉

特大帆立貝我地一人叫左兩件，好味呀!!! 真係好大塊帆立貝

最後一件被的食落肚的係炸蝦天婦羅，即叫即炸

所以食落去係好脆，蝦又好味，這餐下午茶我好滿意，件件都係$9，幾抵食

之後就去左旺電睇notebook啦~~

宜家心水有 FUJITSU 或者係 ACER

FUJITSU  有三年保養，ACER 就得一年

再睇下先啦~ 買那一部都無問題，只要牛仔鍾意就可以了