今日我地約左2:30pm 到法國婚紗影我們的婚紗相

因為心急的關係，1:45pm左右已經去到

在waiting area度等，2:15pm 左右，我開始化妝，幫我化妝的是 Bonny

另外仲有個幫我set頭，我覺得佢化個妝太濃

開始有少少唔認得自己，Bonny 話我唔化開妝一定會睇唔慣的

她問我要什麼色的eye shadow，我選了紫色，因為我唸住晚裝是紫色，要來襯番

第一個妝我覺得麻麻地，個 look 我變得大個女左，成熟左，講得衰D就即係老左 !!

但 Bonny 話唔係，話個妝都好活潑，襯番件婚紗，可能我真係睇唔慣啦!

我唸大約用左30 分鐘左右都完成左我第一個妝了

我的攝影師係 Dicky，助手我都唔知佢叫咩名，哈哈!!

Dicky 幫我影左露牙齒的笑同無牙齒的笑，問我鍾意邊張多一點，我話一半一半啦~!

咁就開始我們的拍攝之旅!

唔知點解 Dicky 係咁要我笑得燦爛一點，我平時出街街影相的笑容佢唔收貨，話唔夠開心!

要做到佢的要求，我每次笑個陣都感覺到塊臉都笑到震埋

牛仔都話見到我塊臉係度震，無法啦!

我要相信 Dicky，所以佢要求的，我都會配合

我都唔想震，但係我控制唔到

我們一開始就影個Bar先，再影公園，之後就影閘，天使翼，月亮，水池~

影完水池好像是換衫，其實我都唔係太記得個次序，哈哈~

因為我係個善忘的人，都好架，唔駛記咁多0野!

Dicky 仲教我擺Post，佢叫我望過d左邊，我就望右邊

佢叫老公個頭抬高少少，我又去抬高自己個頭

佢叫我望住老公，我就望住佢

Dicky 比我激死左，不過佢真係好專業，後來仲親力親為教我同牛仔擺Post

有時佢就咁幫我擺好，叫我Hold 住唔好郁，之後先再影

換第二件婚紗，再set 頭，又有2個人幫我

Bonny 幫我補妝 & set 頭，另一個就幫我配耳環、手套 & 頸飾，大約15分鐘左右都整好了!

到落地下個層影，有張要我趴係度影，我好擔心會走光的

我記得影單人相個陣 Dicky 仲叫牛仔行開一點，叫佢唔好亂咁望 

換第三件，到晚裝了! 影公仔房，我地有帶埋 Little Twin Stars 一齊在公仔房度影

最後影琴個度要等，唯一一個場景係要等的，我地就用這個機會去偷影啦~!!

最後完到七點幾都影完，總算影得快

我仲以為要影到八九點先走得，可能我地個個場景都唔駛等

一去到就有得影，太好了~ 現在等待 5 月 2 日睇相相

** 其實我都驚我笑到震晒會影得唔好

不過我朋友話 Dicky 係法國婚紗的有名氣的攝影師來的，叫我可以放心