座下不久，即送上三款不同的包點
黑色果個無味，可以配上牛油享用，其餘兩個都是咸包，好味道
跟住就上前菜 - 凱撒沙律拌煙雞柳
沙律唔會太酸，中間有塊芝士，隨自己喜好加入份量
雞柳都好大塊，食左個前菜好開胃
湯我選了蘑菇忌廉湯 - 十分濃烈既蘑菇味道，我鍾意
湯的旁邊附上薄脆的麵包，用來伴湯飲，十分好味!
主菜3選1: 我的是龍蝦意大利飯
龍蝦第一啖入口可以用升上天來形容，真係非常非常之新鮮，而且出奇地好味
平時我係酒樓係食唔到咁好味既龍蝦，口感十分彈牙，我想要全隻龍蝦得唔得呀?!
一半真係唔夠喉，幾啖就食完啦~!!!
個意大利飯都不錯，飯一粒一粒咁，而且用埋D菇一起來煮，好味道!
不過份量對我來說太多，我又不想浪費食材，所以侍應同我把飯打包起來
到甜品環節，其實已經好飽啦!!
甜品: 焗芒果脆酥配芒果熱情果雪糕
個擺設係咪好特別呢?
我先試焗芒果脆酥, 脆酥入面包住暖笠笠既芒果，熱度入口係剛剛好
又唔會熱親個嘴，好好味呀!!!
食完熱的，再食凍既雪糕，一熱一凍，雪糕入口特別涼快，好滋味呀!
仲有餐飲 ~ 凍檸水
因為知道酒店的飲品通常會比客人自己調味
好似凍奶茶，要自己落奶同糖既份量
但我自己次次都整我好難飲，所以今次醒目要凍檸水
檸檬都有3大片，足夠我飲用了~
星期六既晚上，同朋友一同到黃金海岸酒店嘆世界
面向園景池畔既景色進食，心情真係好Relax
由前菜、湯、主菜、甜品，食物質素都非常之高
而且每款食物都經過精心既擺設同配搭，美味可口
份量十足，我們都抱住個大肚腩離開
我們足足用左超過兩小時來進食，沒有人會趕你走
真係一個可以讓人放慢步伐進食既好地方
享受美味食物之餘，同朋友一起聊天，係一個享受
那裡的侍應都好有禮貌，而且上每一道菜之前都會同我們講等候既時間，好貼心呀!!
|
