今日同菜心，香蕉，林灝軒，袁振傑，甄運恆，陳君源一齊去西９龍中心！

我地去食壽司自助餐．．．．．係迴轉壽司黎架！

我第一次食咋！＾＆＾！

不過黎黎去去都係個幾樣壽司！

４６元！差唔多啦！

我地由差唔多２：００食到４：００！

之後去左奇趣天地影貼紙相！

一路影一路笑到我肚都痛埋！

我地影左兩次！

第一次都唔知影左Ｄ咩出黎！

不過我地都影得好開心！

之後我仲見到一間有好多１８３ｃｌｕｂ既野既店！

不過Ｄ野好貴！我寧願去信和買！

今日話就話慶祝我既生日！

不過一Ｄ生日ｆｅｅｌ都冇！

算啦！開心咪得囉！

Thx YOU for coming！

好攰．．．．．．喉嚨勁痛．．

　　　　　我同菜心　　　　　　　　　我地既壽司碟　　　　

今日係我既生日呀！

生日快樂！Ｈａｐｐｙ　ｂｉｒｔｈｄａｙ ｔｏ　ｍｅ！

今日一返到學校就有好多人同我講生日快樂啦！

多謝今日同我講生日快樂既人！

仲有送禮物比我既人！ｔｈｘ∼

晚上就同媽咪，曉瑩去食火鍋∼

曉瑩送左個ｃｉｎｎａｍｏｎ既公仔比我呀！

仲識唱歌同光架！超可愛．．．．．．．．＾＆＾

ｃｉｎｎａｍｏｎ　ＩＹｏｕ！

好想快Ｄ到聽日呀！可以一大班人去玩∼

期待．．．．．．．．．．．．．

今日放學啦啦隊∼

我唔記得左個地點呀∼

搞到我周圍搵！

諗住搵唔到就去新都城搵菜心一齊返屋企！

點知又搵唔到佢！

咁就諗住再返學睇下∼

後來我先知原來係４０２室！

好彩葉ｓｉｒ冇話我咋！嚇死我∼

晚上就打邊爐！好味！

不過我個喉嚨就要痛多幾日啦∼

之後就食生日蛋糕！

因為１２月１日爸爸要返工，所以提早慶祝！

個蛋糕係ｍａｎｇｏ蛋糕黎架！好靚呀！

個蛋糕係預訂既所以有個名叫＜童真歲月＞∼

好味！．．．我地仲影左好多相呀！＾＾∼

今日返學冇帶腰帶！

好彩Ｍｉｓｓ好人冇記到我名！

之後下午就去左獨誦比賽∼

５２個人我排第５２呀！

出去個時真係勁驚！

我自己就覺得自己讀得唔係咁好！

不過咁都有季軍呀！

嘻嘻．．．．．海洋公園我黎啦！

香蕉冠軍呀！我地兩個都有獎攞！＾＾∼

我地返到學校之後Ｄ　ｍｉｓｓ都好開心！

跟住就同香蕉一路食住魷魚一路返屋企啦！

今日冇咩野做~

下午毅穎就黎左屋企玩~

之後我地去左富康食冷麪！

跟住去左商場買野∼

今日買到Ｊ－ｓｔａｒ啦∼

Ｄ相真係好令呀！

我地仲去左買雪條食！

個隻蘋果凍雪條真係好好味呀！

好香青蘋果味呀！

今日仲睇左１８３ｃｌｕｂ＜遺忘＞個個Ｍｖ∼

好好聽呀！＜天使情人＞原聱帶出個一日咁岩又係１２月１日，係我既生日！

唔知係唔係叫我去買呢？