噚日同左易拎出旺角行..

行左好耐..買左個westwood銀包

$620..係潮特買的!!

途中elaine同un都出左黎一齊行

8點半到就返到屋企..食飯!!

食完飯繼續睇我既小說<戀空>

睇到今日先知..第2本係網上仲未睇到

今日早上11點幾..牙媽收到個電話

牙媽講野不嬲都好大聲..唔理有冇人仲訓緊

突如其來...聽到"家長日??"我先醒起..

今次大獲甘啦@@哈哈..有人做我替死鬼=0=

呢個人....哈哈...就係我老豆@@!!嘿~+

因為易拎黎我屋企果陣..是但up左家長日一事

估唔到老豆都唔記得左...又是一隻無"古"的鬼唷

張成績表就係章章既手上..由於成績係電話到傾

傾既時間同內容都會減少左一大忽@@呵呵呵呵

咁又可以逃過一劫..牙媽問我知唔知考成點..

我都好坦白咁同我牙媽講..我知..

話佢知雖然名次高左..但係成績低左..

打後佢地都冇話我!!真的...很感激你唔知我中文幾分

比你知我中文得26分你仲唔噴血麼?  唉...

今日去左小肥羊飲茶..又發現左新大陸!!

聽日唔洗返學...約左既佩欣同芳芳去唱k!!YO~*

都已經放學啦...圍左那裡幹什麼呢@@難道是..讓我去探究探究

原來....真的是非法集會在售賣手機貼紙@@

那我也來一個好啦...哈哈!!

而旁邊被人拍了半邊面的同學就是賣主囉@@

(其實我都被偷拍的啦..是剛剛上傳的時候才知道滴)

今日上體育堂....好弱雞

連牙sir都......唉/____\!!

唔記得去拎返本課室日誌

日日左擔心右擔心..成日驚唔記得

幾日前調左位同小青坐..

坐係教師桌前面第一名食口水..哈

今日英文SBA..都啤到自己咩分數

"千萬不要給我打分數"..ha!!

其實有另一個意思..不過我引用左呢個名句

s完鬆左一口氣..早死早著..!!

放學同左易拎..珠同虎妹走..陪佢地買野

買完就搭呠呠車返龜..買薯片返屋企獨食

(仲話努力減肥=.=日日放學前果堂都係到諗食乜)

噚日牙哥條女帶左隻狗仔黎玩..(貴婦)

不過剃晒毛...一d都唔似..仲好活躍tim

不過佢好似唔玩得咁..追多兩追想咬人

一腳伸你落梳化..哈(我冇做-__-)

不過影左相..好抵死..3個列隊咁..遲d post!!

都已經有一排冇打..因為忙..呵

早幾日玩玩下部腦突然short左

因為比我隻腳踢到個大喇叭..

啪一聲震左一震個mon就突然漆黑一片

呢幾日驗證左係display card鬆左..

噚晚先可以開返部腦...呼!!化險為夷

之前我隻腳成日都有前科..

次次睇小說睇到高潮..或做緊d好重要既事

往往都係唔小心踩熄左個關機制..一係就熄總制

咩都化成灰=_________=!!哈哈

呢幾日都唔記得做過d乜..所以唔補打!!

記得呢幾日有歌唱比賽睇..又睇完左一本漫畫

 哈哈..今年既除夕夜竟然冇約人

平時我都好重視呢d咁特別既日子

但見一年比一年冇乜氣氛..

只見街上d人都係百無聊賴咁行..

好懷念某幾年既聖誕節呀@@

果幾年都係好忙..忙住搵$$!!

點解咁講..因為果幾年出去賣聖誕野

係街邊企係高處大聲既呼喊聲

哈哈...諗起都好懷念..過得特別充實!!

而家好似唔比賣..而且價錢愈來愈cheap

所以賣左兩年到都好似冇lu/____\

今年既除夕夜..好多人都返左大陸..

我竟然冇衝動想出街..=____=

結果放棄睇小說..跟左老豆去左工展會

去到果到係咁食野...食到飽飽..

又係果到聽下d人唱歌..同事3分親果班

雖然唔見得係唱得好好...好過咁悶

倒數果刻..色彩繽紛既紙條係天上飄落

果刻既歡呼聲先感到熱鬧既氣氛

畢竟而家好多人都唔知幾時先開始倒數

佢地都亂黎既=__=嗌完就算..數完都唔知

哈哈..又係新既一年..好快又大一歲=0=

今日考試派卷...唉...慘不忍睹=0=

死得好轟烈..又灰多次/___\中6都係冇行架啦

都係諗定自己遲d出黎做咩好過-0-

今次再1次再1次證實

而家d人(特別係仔)冇教育..

冇文化..粗言穢語..剩係識食屎!!

諸多批評..只係識聲大大..

仲有隔離果d剩係識做人既應聲虫

係低等人物..我最鄙視呢d咁既人

我做乜同我既做法係我既事!!

又唔撚識你..我唔明關你乜春事

你冇野呀你...呢句應該係我問你!!

聽到你呢d說話只會令我想中你兩拳

而唔係覺得你好型同好潮...唔該!!

行埋一邊搵篤尿照下自己個樣

執一執自己d眼耳口鼻先啦

只係令人黑人憎..呢件雖然只係好小事

但你既言行只會令人反感同鄙視

如果唔係我咁嬲..我唔會打出黎!!

對而家呢d咁既社會風氣好失望..

日記更加好少打到咁粗..都係因為"怒"

永遠都係..自己既幻想同現實係成反比