最近放左三日假!
今日係呢個星期最後一日假-v-
慢慢講返我呢幾日點樣過啦^v^
好正...可以做自己想做既野!
====================================
第一日:即係12號啦!
原本約左d同事去海洋公園
但最後取消左^o^
點解呢?
其實係因為星期一即係11號果日...成日落雨!
果晚放左工之後..同d同事係msn度傾...
以投票黎決定12號去唔去海洋公園!
結果以四比二...決定取消!
但到左12號早上...
我一起身係係10點半....
嘩!勁好天囉
陽光普照...
於是打電話俾佢地...
但係..個個都係未訓醒= ="
好無奈...哈哈^_^
唔緊要啦...下次先去過!
我當然唔會就咁過呢一日啦!!
決定左去游晏就水^田^v
1點半去到泳池...
但係....要洗池...關閉到晚上7點半...╬凸╥﹏╥凸
最後去左幫細佬上台="=
跟住返左屋企...
早知咁無聊...就同家姐細妹去睇戲啦-"-
到左四點幾到...家姐話去食 pizza @Q@
食完pizza話去百佳買野...
於是我話返屋企先...
行到天橋撞到安仔
原來佢約左興同魚去美心食野!
跟住同佢一齊去...不過我無食野="=
因為我食飽了-v-
去左美心...當然去探下美心d師夫啦^田^
因為我之前係果度做過廚房^^"
入到廚房得三個師夫...翔哥,阿倫同威哥!
傾左一陣..就出返黎!
因為佢地勁唔得閒-"-
費是阻住佢地做野...
估唔到!係果度做左2個幾月
佢地仲記得我^^cc...
其實做得好同做得唔好肯定有人記得!
做得好梗係記得你啦!
但係做得唔好...佢地一定記得你..
凸都凸到你死呀..點會唔記得你呢...?
唔知我係邊一種^_^
食完野...跟住過左去馬鞍山中心!
陪安仔"禁"錢!
但係....佢仲未出糧=v=
白行一趟?
梗係唔會啦!
跟住過左去冒險樂園玩= =
好好玩-v-
好似返左去童年咁!
夜晚去左游水....勁多人囉
個2米池幾乎滿人咁濟- -
勁難游...唔係我踢到人..就係俾人踢-"-
唉....
12號就係咁過啦!!
===================================
琴日!
可以話係真正休息日-"-
好累....
係屋企睇奧運!食野..玩電腦同NDS-v-
肚餓就落大家樂買下午茶
總之琴日就係真正既休息啦= =
====================================
今日!三日假既最後一日
朝早!食過早餐後...
變左乖乖仔tim-v-
做家務...掃地! 拖地! 洗衫! 浪衫!
做完之後...??
睇奧運-v-
睇體操^v^
好好睇!中國係體操呢個項目係話無人能敵
哈哈!中國好野!
到左3點幾...
我個運動細胞又起作用囉
去左做gym= =
做左2粒幾鐘...
宜家雙手可以話無晒力-"-
聽日一定會痛親死- -
今晚食完飯...都係睇奧運...
嘻嘻!!
====================================
以上都係我呢幾日所發生既趣事^v^
其實之前都係打日記嫁...不過登極都登唔入黎!
|
