今日係我返工最後一日啦

我有一百萬個不捨得呀

我都係第一次因為要離開一個地方而流淚

唔知點解同人地講講下

我會喊...

唔係因為我容易喊

而係我真係好唔捨得...

我轉換左好多個唔同的環境

但我都未因為離開一個地方而流淚

可想而之...我係又幾唔捨得

真係好唔捨得呀

一個我遇到咁多個最好的同事....華姐

一個同我一起經歷了工作上面任何野的同事....阿敏

一個令到我學識唔少野的同事....蓮姐

一個俾我好多開心回憶的同事(不過佢同時都係我ge黑星)....阿諾

一個令到我冇覺得冇架子的經理....ben哥

一個見到佢\真係為左份工而好落力的同事....子慧

我真係好唔捨得佢地....

佢地個個都係好人黎架

我未試過返工返得咁開心

可能因為佢地好

相處得好開心

如果唔係因為考ALEVEL

我一定唔會離開哩度

我已經當左E CAN係我半個家

因為我一日會有成十幾個鐘係大家樂到做....^^

個度最細差唔多係我^^

所以個個都對我好好^^

我記得有一次華姐同蓮姐知道我想食焗飯

佢\地明明想食都俾左我

仲記得有一次我唔夠手快做野

佢\地好忙...都會幫我

佢\地真係好好...^^

今日返7:00

返到去就查面包

ben哥都左我點樣可以快d....

真係太好了

識多左樣野^^

估唔到查面包都有技巧的....

之後就去左沖茶

我人生的第一次沖茶俾d客飲

我估唔到真係可以....

我未黎之前最希望可以學識沖茶

而家真係可以了^^

不過係期間我做錯左d野

就係我冇落唔夠水....

正正展示左我冇記性的一面><

不過華姐真係好好人

佢冇話我....佢仲教我同幫我

之後

就係我同阿諾上茶,咖啡ge時候

當中有點混亂

不過總算過得去

如果哩d野發生係c can

我已經俾人鬧到不得了

食早餐的時候...

我可以享受人生第一次自己沖俾自己的奶茶

好味^^

食完之後就係抹台同派餐具

有成3百幾人.....

派左成300份.....

我覺得我而家已經係派餐具的高手

派完之後

抹碗碟,入餐具

好彩期間有人(黑星)陪我

如果唔係就會悶死

1:00到...舞之集d人黎左

我就開始做返我的老本行

做收銀員^^

企檔....等人黎賣soft drinks

都唔知係唔係我問題....><

企左成個下午都冇人黎買

好彩係哩個時候

有人(又係黑星)同我傾計

如果唔係就會悶死我><

lunch個餐....食左點心同炒飯

唔錯唔錯

不過食到我好眼訓...

5:00到就開始斟水....

有成3百幾杯...

好彩係大家分工合作

如果唔係.....

6:00開始個buffet

咁就要開始serve d客

期間...有一位客叫我...阿姐

(ben哥問左我幾次係做野個時有冇人叫過我阿姐

我每次都會答佢...緊係冇啦

係都叫我阿妹啦....

點知最後一日都會發生d咁ge野....)

做侍應的感覺係一百萬個累

行黎行去

行到隻腳痛到已經企唔到啦

好彩阿敏企檔

如果唔係佢就會好慘啦....

(其實華姐真係好好人

佢知道阿敏腳痛...俾佢企檔

係唔夠人做野ge時候

佢都係會問候左人先

之後佢先會再安排人地做野...)

後黎做做下野

嬋姐叫我入廚房食dinner

哩一餐\係我最後一日都會係我最後一次係哩度食ge一餐

不過今次就冇得食我想食ge雞翼啦....><

慧玲姐問我點解唔做

我真係俾佢問到....唔識講

一尾得個笑字....

不過我肯定知道

我永遠都唔會再返黎

因為我會俾自己試做其他野

所以我都只會俾自己做埋今次

DINNER之後

我同阿敏就抹餐具...無窮無盡...

抹了良久才停下來...

D人走左之後

我去收垃圾,倒垃圾,抹台同掃地

係我掃地ge期間

我真係多得我ge黑星唔少

個場已經夠大的.....垃圾已經很多了

我已經累得根本不想再動

我的黑星緊係係哩個時候....."幫"我唔少啦

哈哈^^

到最後...22:30收工

累....

how great i am^^

p.s.敏...我一定會明白你的感受

我都經歷過

...只要你唔好放棄

你一定會有成功\的一天

(你見過我手機個wallpaper....你都知要點架啦^^)