本身我地今晚有約會

我,芯,grace,宋wing,楠,nick,火星,白兔話約出黎去我家開大食會

但我家唔得

改左去左海濱傾計

以為都會幾開心

因為我地太耐冇聚過啦

點知最後都係取消

其實我好失望

因為都攪左好耐

但最後都係......

我都知今次楠攪得都幾辛苦

最後都係唔得

真係唔好意思

我希望我地下星期可以出黎啦^^

期待中.....

娗欣生日快樂

今日好開心

因為可以同娗欣過生日

本身我以為今年唔可以同佢一起過

以為佢會係夏威夷個邊過

但佢....返左黎^^

好想阿賴同小朱都快d返黎.....

我地約左11:30係科學館等

12:00去到港晶neway

點知唱得個2個hrs~

不過我地都唔係唱架啦

因為我地都係坐係度傾,玩^^

之後同左欣去tst行

係個過程

真係好開心

唔係我因為我有得行街

而係可以同佢地一起

因為上左黎中六之後就冇咩機會四個一起

而今日可以

真係好好好好開心

後黎grace有事要走先

我地三個坐左係度傾計

講欣係外國個邊d野

佢唔講唔知...令到我大開眼界

知道外國係有結婚宿舍的時候

令到我同芯都覺得好詫異

佢有好多朋友係10個月裡面拍拖,結婚....

見到佢可以堅持自己..知道自己做緊d咩野

好sweet^^

欣之後就有事要走先

咁我同芯就搭車返大埔啦

係個過程

我知道左幾樣野.....

欣

去左外國之後

獨立左好多

識諗左好多

作為佢朋友

真係好開心

見到佢care左d朋友

我都因此而高興

芯

同你講返之前發生過ge事

覺得好開心

因為我地一起經歷了不少

每一個人的過去都令到我地懷念

6:30返到黎大埔

同家人去食飯...

今日同grace去買娗欣份生日禮物

我地好俾心機選...

因為我地想佢返到黎開開心心咁過生日

想你過得難忘d~

因為我地想俾你知道

你係香港仲有我地幾個好朋友

無論你係邊我地都會支持你^^

4:30同左miu,ar lee去游泳

今日好開心

因為個直池冇咩人

可以好free咁游

7:00離開左之後

就叫miu同我去買娗欣份禮物

本身諗住整份好special的禮物俾佢....

不過因為program問題

結果係整唔到

poor~

JOY生日快樂!!

今日8:30返到學校開會

個個剪紙時裝設計比賽多野做過個歌唱比賽

多左野打.....

不過唔緊要啦

而家比較得閒d

9:00到就去聽個講座

期間

我set通識份問卷

俾一個老師發現左

唉...結果緊係俾佢話啦

我都預左...

不過我真係冇時間

放左學之後好多野做

忙澳門,娗欣生日的事

佢地又就黎放磅

要諗下點同佢地過

仲有好多好多野做

所以我都係爭取時間去set問卷

我想做得好d

因為個個project佔左成20%

我其實都係想盡自己能力去考^^

放小息個時

同左joy&阿寶慶祝生日

個個cake好好味^^

(緊係啦...我同kerry精心挑選...)

送左把mickey傘俾joy

開心死佢啦^^

之後就睇我地班的足球比賽

雖然輸左

但開心就可以了

睇完之後

我地去睇"在世界中心呼喚愛"

哩套戲..

我星期六先睇左

所以我唯有都係set問卷

期間有MIU幫我

真係唔該晒

最近我覺得6B 9個女仔團結左

太好了

放左學之後

冇同JOY一起去食LUNCH

因為今日要去立法局

我,琴,阿LEE,錦嫦,PO,翠明一起去

去到ge時間都係岩岩好2點

去到有個議員講英文講成20mins

聽到我.....有點兒頭昏腦脹

3:00個時我真係好眼訓

(期間錦嫦話我隻眼紅晒.....)

不過我冇理由係個度訓ga ma

因為我覺得好唔尊重.....

結果好努力咁撐

撐到3:20

我終於有返d精神

3:30

我地就離開啦....

今次立法局之旅都唔錯

因為可以見下哩d場面

見下d人點開會

我覺得d人講野好有point

我地仲話佢地答香港研究個份paper會滿分

不過..期間有個議員入黎2-3mins就走左

而且有一個係入黎睇報紙

我覺得有點兒那個咯

後黎

我地成班同左jackie老師去左starbucks飲coffee

佢好好....唔係因為佢請我地飲野

而係佢好好

肯帶我地出去活動

唔係個個老師都會咁做

而且佢係用自己私人時間

唔係用上課時間去同我地出去活動

再者

佢家中係有小朋友

俾左d心機落我地度

會少左take care小朋友的時間

但佢都會咁做

我真係覺得佢係個好老師黎

太喜愛佢啦

我應承左佢

我會多d睇報紙

香港研究的成績要好似開學個時咁好

唔可以令到佢失望

唔再做個膚淺的學生^^

我一定要做到

唔可以再咁頹廢....

今次又係用左佢唔少錢

真係唔好意思

之後

我叫左阿lee同我去中港成去睇船票

真係多謝你^^

我真係咩都唔識

去到都係亂黎

因為唔想2/7個日唔識去買船票

我都係想macau去得順利點^^

睇完之後

阿lee同我返左屋企拎衫再去佢屋企食飯

第一次同佢相處咁耐

我覺得好開心^^

佢屋企都幾大

好舒服

多謝佢爸爸煮ge飯呢^^

我地7:45去到粉嶺泳池

阿lee游左15個直池...

俾心機

你一定得架

我地一定要減肥成功^^

期間阿lee唔見左個locker key

正傻婆!!!!

而且又漏左毛巾係個泳池度

大頭蝦!!!!

之後落雨

同左阿lee返屋企

之後再返屋企

今日過得好開心....

多謝阿lee

阿lee

我地要開開心心咁過每一日

令到人地開心....

自己都會開心^^

希望你可以做到啦^^

今日派左PHY,中化, ENG

阿SIR入班房個時...見到佢好似好興

我都心知不妙

結果我係佢話人之前同佢講左;

個次係因為搵唔到你先至交唔到REPORT

跟住佢同我講:咁你今日又唔帶返黎

我笑住同佢講:我聽日俾佢啦

佢就同我講:係度笑....

我都未見過佢咁....

真係有d驚

之後派卷...

果然係咁多科之中最差ge一科

得個3成

essay仲要得半分...

(真係差到.....)

...不過俾之前好好多了

之前係得20

(只不過用黎安慰自己...咁考alevel真係死得....)

其實我覺得阿sir真係用心良苦

佢對我地班真係好有期望....

當中係爺爺最高分

阿sir話爺爺讀得有幾好

而且知道佢點樣去針對問題

俾我知道我都應該點讀...

而且佢講到我地要刻服alevel

嗌辛苦...是可以的...

但同時我地當初選擇左考alevel

選擇左一條難行的路

我地就要去行

就要去克服

因為這是我當初的選擇

阿sir講左好多

令到我好有mood溫書

我要俾心機讀好phy!!!

p.s.....陳沛鋒...我phy高分過你啦...哈^^

小息個時....

有個叫林智聰的人大聲同人講

我將個亨字打成享字

暉仲要講話我地去富享食飯....

(你地真係好可惡.....)

我d語文水平都唔係咁差ja ma~

而且我都係錯一次

都唔使咁ga ma~

我好個時又唔見你地話我好.....!!!!

小息之後就係中化對卷

我都唔知仲咩....

中化不嬲都有6成以上

今次加埋平時分都只係得5成....

收卷個時

我真係覺得絕望....how come?

我最有信心的實用文都考成咁

個刻覺得考alevel真係好辛苦同好難

因為我知道....

自己的能力同標準相差好遠

以前

我以為考alevel只不過係比會考深d

點知....

係2回事

即使俾心機左都好

得到的....

卻唔係與付出的一樣

不過

最傷心的都係....

heidi同我地講話教埋今年就會走

佢講個時....

我真係想喊

不過冇理由係咁多面前喊

so最後都係control自己

希望heidi學到佢想係第二度學的功課

其實真係好唔捨得...因為佢真係個好老師

身為副校...仲要教我地中化

其實真係唔係件易事

佢明白到師資問題

又考慮到學生的需要

所以先會教我地一年

真係好好^^

佢講到佢係哩度改我地最後一份卷時

佢其實係好唔捨得

佢仲話佢好鐘意教學工作

好鐘意班房

個時我真係想流淚

因為轉去第二個工作地方

真係唔係一件容易的事

而且係度都做左7年

唔捨得都係正常

不過都係同佢講句:願主祝福你啦^^

落堂個時我地敬禮

講HEIDI老師再見個時

真係好想喊

係因為我地成年都未試過咁正經同佢敬禮

HEIDI都接收到我地的感謝...

太好了

這個老師實在太好了

我記得佢令到我上左一堂好好的課堂

係人生上面...都教左我唔少野

仲有其實真係好鐘意上中化堂

因為我覺得佢好有文化

用心上佢的課堂

對中化都有用

而且係佢身上真係好見到神^^

一個咁好的老師離開了....

真是不捨得

之前...我聽到做飯講佢heidi的事時

我真係冇咩感覺

但我而家再諗返起...

是的....

她真的讓我好好咁上左一課人生課

曾經...佢都教過我應點走人生的路^^

真是多謝你...heidi老師....

中化之後對eng

如我所料

section c真係好低分

前所未有的低.....

不過好彩其他paper都拉到

對卷個時

alan就問我:點解你仲對緊

我就話:對到唔想對

因為太多野要睇返

alan就話....咁你就會明白老師改咁多科卷係幾辛苦了

個時...

我都覺得係

eng...真係好多paper要改

同時

miu同我講:miss改卷應該改得好趕

我話:緊係啦..咁多張paper

真係...作為一個老師真係唔易

之後miss叫我地班靜d...佢有野要我地講wor~

之後我地就冇咩人理

叫左好耐先靜

靜個時

佢同我地講話...佢要走啦

我地全班真係o晒咀

因為真係冇諗過除了heidi老師走之外....

其他任教我地的老師都會走

實在太意外了

我記返起debate個時...

係我同miss最close的時候

個時佢見到我上台講英文比平時好好多

好開心

佢個時仲話要攪多d debate....

有時候...我上堂唔專心

佢就會話我

其實個時總係會有d唔鐘意

不過我知道佢都係想我好

唔想我英文差

其實佢都個好老師

不過可能平時冇用心去睇去感受

直至要走啦

要失去啦

我才會珍惜

我才會去感受別人的好

上miss 堂

我諗佢都會有開心...有唔開心...

有激氣的時候

對住我地哩班6b

都應該會幾辛苦

佢都期望我地聽佢話

不過我地又點呢.....

到佢走個時....

我地又係點呢....

最終

佢都有做好佢的本份....

改卷真係一件唔易的事....

而且仲要改我地咁多份

佢的辛苦

我地做學生係唔會明白

佢想我地係咁多張paper都做得好好

其實真係好困難

不過佢都有咁做

真係thx a lot^^

打哩篇日記的時候

真是想返起好多中六的事...

有點欲哭無慮....

心在流淚.....

p.s.  ying...你要加油呀

唔好氣餒....人.....總會有高潮同低潮

經歷得到的人才會成功的

lui..人生只要放開點

你得到的必然會更多

轉眼間你可能會發覺...

所發生的其實都不是什麼大不了

你要珍惜現在所有的

因為你現在所有的不是必然的

你明白嗎?

卷已經派完啦

我都知道自己能力大概係點

不過

家人仲係對自己的不了解

他們明白不到我的能力

他們不明白課程是點

他們只會覺得上大學係唯一一條出路

上唔到...就連repeat都唔得

連書都冇得讀

所以我一定要讀上去

好好咁俾心機

最起碼都要讀好中化同eng^^

大概4:00到同左KERRY去買JOY份生日禮物

好開心...因為真係好少同KERRY一起

KERRY真係成個傻婆

我地談到佢個FD返金融見集生

佢話見到佢個fd著西裝同拎個喼返工

個時我大笑

我話公事包呀

我真係冇見旖一個暑期工會拎個喼返工

冇幾耐之後

佢話佢經濟抽据

再一次傻婆

佢將個經濟.....讀成咁

唉

之後佢陪我返屋企^^

今日對pure math同通識

派pure個時

tse sir話受益的人唔係好多

其實tse sir都希望我地勤力點

都希望我地最基本ge野都要做好....

不過都係令到佢好失望

我今次pure都幾好有6成....^^

不過我覺得哩個都係呃自己

我要俾心機讀pure^^

唔好再令tse sir跌眼鏡^^

今日小息

我同miu送野俾暉

係個jelly belly黎ge

有粒好難食ge糖.....><

派通識啦

比上學期差了

人際份paper係有7成

不過香港研究得5成

前所未有的低

我都覺得有d意外

當然係意外地失望啦

how come?

通識足足跌左10分

我都唔知仲咩事

唔係差

但我覺得as科目唔係應該咁

放學個時jackie老師捉住我問

佢話我點解會咁

答題目個時我覺得好難

而且評論對我黎講真係有d難

人際好過香港研究咁多

我諗係因為分析多過評論

我會覺得容易掌握

佢叫我睇多D報紙

俾心機

我一定會呀^^

返到屋企之後就起世做通識功課

3:00就去富善體育館打羽毛球

有MIU,KERRY,做飯,林伯,暉,聰,TOTO

都幾開心

出左好多汗

我相信踏出左減肥成功的第一步

5:00打完之後

再BOOK場下星期一去富亨體育館打過^^

7:00我同錦嫦去粉嶺swim

我地游左好耐

個度環境都唔錯^^

你要加油呀

放膽d俾自己游

你就會成功

返到屋企10:45

即刻訓左係度

因為實在太累了

打完波之後即刻swim

我諗聽日有可能會late

因為實在太累

累得令我不能動了

暉生日快樂

今早累到起不了身

媽足足用了半句小時弄醒了我^^

與家人一起食早餐

媽話想去cityplaza睇恐龍展

所以返完教會就出左去陪佢去

那裡的恐龍展真是不錯

由於24/6第一日展覽

而今日又星期日

所以我就好多人

不過好開心

同媽行街

開心死佢了

今早我打電話給芯時...她告訴我她在靈修

之後再打電話給grace時...她也在靈修

而我當然也有靈修

我地三個...要靈性好好

在神以內要多點溝通^^

琴晚同左芯,grace約話左今朝10:00去打壁球

結果我地11:30先開始打

同佢地一起真開心

每次見面個feeling都好似係我地出來工作

閒時約出來見面

訴說大家的近況

暢快的談呀吐呀

好朋友:真的..

希望可以與你們保持到永遠^^

打壁球個feeling好好

因為打個下好爽

可以好好咁發泄

(其實冇唔開心...只不過想發下..^^)

有一次我打緊個時

唔知點解我個人360度旋轉

之後仲要屈到隻腳

(情況有點似跳舞...)

最慘的是冇左塊腳甲

咁唔係問題

最大的問題是我下午要去游水

試問有傷口的腳於海水中又會是點樣

同佢地一起的時間真係過得好快

真係好唔捨得佢地

因為我地3個上次一起見面的時間已是個幾月之前的事

暑假的時候真係要見多點

12:30我就走左同家人去半月灣游水

那裡不太多人

安靜得很

感覺良好

因為我覺得我可以自由自在地游

有安寧的環境伴我

與藍天白雲一起

這是我喜歡的

離開的時候已是6:00了

返到大埔食晚餐

返到家9:00

睇左戲....

之後12:00就訓了

與世無爭的生活還是比較適合我

難得今日唔使返學

但都要7:55起身

我覺得有點兒那個

不過唔緊要啦~

因為我為左睇"頭文志d"早場都要不惜一切

約左miu8:25係佢留下等

點知佢...仲訓緊><

9:00同佢搭74x出去apm

第一次去...都覺得個度唔錯

10:35準時開場

我覺得真係唔錯

有人話jay做得唔係幾好

不過第一次算係咁啦~

而且套戲都幾攪笑

睇完之後

我地係apm四周行

期間見到做飯同佢個fd

見到曉兒

見到cici,方芷婷同文靜

個度真係好大

行到我同miu都覺得好累

5:00到就去左mk行

因為個度買唔到我地想買ge野

行到8點幾...

覺得真係累透了

再也不能動

之後

我地就搭車返去

係搭車期間

miu打電話約人去打badminton

為左係慶祝暉生日

(睇下我地對你幾好呀......)

個隻miu係個時四周同人講我諗ge百癡野

(可惡.....)

我只不覺得個導演.....識得體諒jay ja ma~

9:50返到大埔

同左miu去漫畫店借漫畫睇

結果俾我見到"頭文志d"

結果我都係覺得電影好睇得多^^