圖片標題 : Vincent手持Speed的寫真集，一臉滿足。
圖片標題 : 求學時期的Vincent，用零用錢買下Speed的MV錄影帶、CD及寫真集。
憑《溏心風暴之家好月圓》而為人熟悉的溫家恒，因鍾情日本女子組合Speed而跑去學日文，十多年來儲下大堆珍藏，更視成員上原多香子為擇偶藍本。
二十五歲的溫家恒（Vincent）成為別人偶像之前，原來曾是日本女子組合Speed的瘋狂歌迷，四位靚女中尤其鍾情上原多香子，結果當時在英國讀書的他，連中文亦未學好，卻膽粗粗跑去上日文課，為的是方便與偶像「溝通」！Vincent笑說：「喺英國冇多姿多采嘅生活，點知有日睇電視發現Speed喺度跳跳紮，覺得佢哋好得意，我咪上網去查佢哋嘅背景囉！跟住就鍾意咗佢哋喇！每個星期慳慳埋埋啲零用錢，就去唐人街間專賣日本嘢嘅店舖度，搜購關於佢哋嘅物件。」
於是，Speed剛出道及復合後的寫真集、出道以來最賣得的CD，以及MV錄影帶等，全被Vincent珍藏起來，最離譜是他竟然要求媽媽帶他去日本，欣賞Speed的演唱會：「媽咪要我答允佢參加一啲課外學習班，先肯買機票同我去囉！嗰次係我第一次踏足日本，估唔到自己鍾意Speed之外，亦對日本呢個地方產生咗情意結，依家有假放去旅行，我都會首選日本o架！」
私人珍藏運返港
談到對上原多香子的情意結，Vincent坦言喜歡對方樣子清純。當問到日後揀女友會否以對方為藍本，他即尷尬地說：「都會嘅，不過依家最希望嘅，梗係睇到佢哋重組一齊開個唱啦！」而Vincent回流返港發展時，即將「私人珍藏」一箱箱運抵香港，且一直「未開封」放在家裏，倘若今次不是應記者要求拍照，相信他也不捨得開箱呢！
影視組
| 
