朝早起左身，咪又係刷牙&洗面&換校服，之後咪返學校囉!!!第1至3堂係設技堂，亞sir敎我地o係電腦整立體o的手機，好好玩 !!!第4堂係中文堂，Miss講返琴日派o的筆記，之後就搵李政浩做粵劇，佢唱~帝女花~o的改版，好搞笑 ，之後山雞又唱左幾句~明年今日~ !!!第5堂係中史堂，Miss同我地對作業&派返星期一o的小測俾我地，我唔合格，得果23分(總分係50分) ，無計啦……我果日訓到矇茶茶 ，一醒就小測，重要無溫書 !!!第6堂係數學堂，我咪又係無無聊聊過左 !!!第7&8堂係英文堂，我地要默書，我錯左36個字，一個字減3分，得個蛋 ，無計啦……英文唔合格，更顯我風格 !!!放學之後，我去家政堂門口等譚叔&哨牙仔，等果陣就聽囡囡&丫沈&李淑婷講羅丹Ｄ壞話 ，之後囡囡佢地走，但係譚叔&哨牙仔重未出黎，咁我咪同囡囡佢地走，去到學校門口，落緊雨 ，我就同學校借左把黑色摭，之後李淑婷話要，我就俾把摭佢，因為我都唔想用摭，我就落住大雨咁跑返屋企 ，返到屋企我咪濕曬囉，之後我咪又係無電腦玩囉 !!!