今日10:30am就起左身，琴晚4:45am先訓 ，訓得果5個幾鐘，我起身之後就睇~齊天大聖孫悟空~，睇完就梳洗&食麵&玩~天方夜譚Online~ ，玩到3:45pm，馬騮打電話黎 ，問我倍唔倍佢踩單車去好運中心睇下有咩PS2反版碟買，我就答去 ，收線之後我就抹下我部超過半年無踩封晒塵啲單車 ，4:10pm先抹完，之後換衫褲，換完就踩單車去譚叔樓下等馬騮，去到果度，馬騮都係岩岩黎，之後就踩去好運中心，到左就鎖好兩部單車，之後就上去睇下有咩PS2反版碟買，點知反版店未開 ，咁我地咁周圍行下囉，之後5:00pm馬騮亞老打俾佢話就黎落雨 ，咁我地咪走囉，點知一出門口，就落雨 ，D雨唔係好大，不過我們唔返住，將兩部單車鎖去無雨啲地方，鎖完就上去繼續睇下野，我地行行下就去左麥當勞買D野食，我就買左$3.5啲朱古力味脆皮新地雪糕食 ，馬騮買左手2啲新地雪糕食，唉……本身我想買個芒果味脆皮新地雪糕試下啲 ，不過唔少心叫左朱古力味脆皮新地雪糕食 ，算啦，之後就繼續行，行行下D反版店開左，咁我地咪入去D反版店睇碟，我地都睇唔岩 ，之後5:25pm就走人，踩返單車返新翠，返到新翠我地就去左夾軟糖食 ，夾完就各自返歸，我返到屋企就玩~天方夜譚Online~，玩到大約2:00am就訓 !!!

其他事項:依幾排成日打機(~天方夜譚Online~)，食飯都無食，有食都食好好好少，亞媽話依排我瘦左同不似人形 ，瘦左就好喇 ，我望都係咁望啦 ，不過……不似人形喎 ，有無咁嚴重呀 ???老豆琴日返大陸到依家仲未返，家組就夜晚喺度睇電視 ，整到我訓唔著 !!!