今朝7:35am起身，之後梳洗&換校服，之後返學，返到去課室，第一&二堂係體育堂，今堂係自由活動 ，話就話自由，其實係亞sir問我地想玩咩，我地話想踢波 ，之後亞sir叫我地跑去文禮閣果邊，再跑返黎先踢波，我就冇跑，等D人返黎，之後等齊人就踢波 ，亞sir唔俾我地自己分組，話會分到強隊同弱隊，就幫我地分 ，分到同D唔熟嘅人一組 ，係咁叫我打後房 ，以我依D天生麗質，岩打前鋒，唉……算啦，讓下D人打前鋒啦(好假) ，本來我地果隊入左一球 ，但係之後俾人攻門，咁我就搶左個波，傳俾籠門，但係俾個死人施子杉搶左自己籠門嘅波，仲俾左對方，令到我地俾人射入 ，最後打和，都唔知佢識唔識踢波嘅 !!!之後第三&四堂係地理，喺度教比例，教度鬼咁慢 ，咁我就冇聽書，喺度吹冷氣&同貓so&譚叔傾計 !!!之後第五堂係數學，又入唔到條式喺部機到，Miss叫我用手計，我又唔識喎 ，咁咪訓左成堂囉 !!!之後第六堂係英文，冇帶到Listening Book ，咁我就喺度訓 ，訓左差唔多落堂，個拐長佬用佢支拐長打我張枱 ，叫我起身，要我同隔離果個(譚叔)一齊睇!!!上完就放食飯，返到屋企就食飯，食完就沖涼，沖完涼1:15pm就返學校，返到學校就喺工藝室門口等亞sir開門，因為一陣果兩堂係圖傳，等左兩個幾字仲未到，吳sir就開俾我地入，之後上堂就教第三角投影圖，2:45pm準時放人 ，之後就去家長資源室，除左實習社工之外，家長資源室一個人都冇，洪姑今日冇返，隔左陣莫少邦&子輝&貓so黎左，之後我同莫少邦打交，哈哈…… ，莫少邦唔夠我打，之後佢就走左，我&子輝&貓so喺家長資源室玩(訂)波，實習社工就喺度訓教 ，玩到6:10pm貓so用個波(訂)中左家長資源室嘅燈罩，成個跌左落黎 ，個燈罩頭果度爆左少少，之後貓so就用膠紙貼住，之後我&子輝幫貓so手整返上去，實習社工話如果洪姑問到點解會咁，佢最多話唔知喎，之後6:25pm就返屋企，返到屋企就玩電腦，8:00pm就打日記!!!