今朝7:30am起身，之後梳洗&換校服，之後返學，返到去就上課室，班主任係謝機球 ，副班主任係黃金沙 ，之後係收功課，之後處理班務，依段時間超悶 ，9:30am中央咪叫領獎嘅人9:45pm落禮堂彩排，我有份，不過我唔落去 ，就炸唔知，之後小息果陣，有個Miss叫我落去，我又唔落，之後佢就走左，小完息就去禮堂開開學禮，我入到去坐低唔夠兩分鐘，就俾李小明亞sir叫出黎 ，之後俾黃志強哦左幾句，之後就去領獎果邊坐，之後陳蘭芳同我講一陣要點行點行，之後就開始開學禮，首先係眾立，之後主禮人入座，之後升國旗，之後唱校歌，我唔多識唱，無唱到，個口陏陏，扮唱緊，之後校長致詞，由11:00am致詞至到11:15am ，喺到講~美~依個字，仲教英文~Aesthetic~，之後就頒獎，九個人，得我一個男仔攞鑽石章 ，好緊張呀，上到去，死人陳蘭芳仲要話~依個同學呀，之前唔敢上黎攞獎嫁，佢好怕醜嫁，大家俾D掌聲佢啦~，不過我聽唔到佢講依句，因為當時好緊張，所以聽唔到佢講咩，又聽唔到陳天生同我講咩，係放學果陣譚叔佢地講我知，我先知陳蘭芳講依D野，攞完之後就行返去個位度啦，中途竟然俾羅笑仙&袁爆光&一個唔知乜水嘅老師捉住 ，叫我俾佢地影，點解唔同之前攞果D人影呢 ，要我呢，仲有，佢地你唔係未見過鑽石章呀 ，好驚奇咁~嘩嘩~，最後袁爆光仲要我攞住舊野俾佢影 ，我猛咁話~唔好玩我啦亞sir，俾我走啦~，佢好似聽唔到咁，咁我咪垂低頭俾佢影囉，都唔知佢地係攞景定贈興嘅 ，之後就返埋位坐，D老師又同我借黎睇，頒完獎之後就禮成，之後到梁根宣佈事項，宣佈完就上課室，之後12:20pm就放學，咁咪返屋企食飯，之後唔記得幾點我同細佬去子輝屋企玩~WE8~ ，玩到6:30pm就返屋企，返到去，老豆唔喺度 ，仲以為佢煮緊飯添，咁我就睇陣電視&沖涼，之後細佬就煮麵，7:30pm食完之後，老豆先返黎，我同細佬就去子輝屋企玩~WE8~ ，玩到8:15pm，子輝嘅亞媽打電話話佢喺樓下上緊黎 ，咁我同細佬就即刻走人 ，返到屋企就睇電視，睇到12:00am就訓 !!!