12:00pm起身，之後梳洗&食野&睇電視，1:30pm細佬返學校去烏溪沙日營，2:30pm我&亞媽&家姐落樓搭86c去深水埗整顯示卡，果時落緊好大雨 ，不過都要去啦，部電腦壞左兩個禮拜，唔攞去整等幾時呀，去到果度就落車啦，之後我地行到馬路口等過馬路啲時候，無啦啦有架貨車衝得好快 ，整到我地前面嘅水(哄)D水飛埋黎 ，附近D人都中招，整到眼&嘴&衫褲都有水 ，之後咪企埋一邊抹左D水，之後繼續向我地嘅目的地進發，過左幾條街，目的地係~嘉頓~附近嘅~名人商業中心~，到左，就上果間叫~康藝~嘅公司，上到去等左陣就到我地，咁我地交低塊顯示卡俾佢維修，兩個禮拜後黎攞就走得，果時係4:00pm，之後我地去~新高登電腦商場~睇下有咩買，途中家姐買左條19蚊嘅皮帶，去到果度我地就買左隻28蚊光學Mouse，之後就去~黃金商場~睇下野，途中亞媽買左件冷衫，去到果度，好鬼多人 ，咁我地就買左一盒50隻CD-R，58蚊，仲送多5隻非賣品嘅CD-R俾我地，係香港嘅夜景，好靚嫁 ，之後媽咪買左兩個豬頸肉包俾我同家姐食 ，咁就十蚊，不過好好味 ，之後就去搭86c返屋企，我地行到去一個86c嘅巴士站，但係個牌俾D油漆摭左，睇唔到係唔係向利安果邊行 ，咁我地就行左個大圈到對面嘅巴士站，但係搵唔到86c嘅巴士站 ，之後見到一架往利安果邊行嘅86c巴士，咁我地就跟住佢，原來我地之前搵到果個86c巴士站係岩嘅 ，咁又要等下一班車，6:15pm就上車返屋企，6:40pm就落車返屋企，返到屋企我就洗自己同幫亞媽洗鞋貼，之後就沖涼&睇電腦，睇到8:30pm就睇港姐，冠軍竟然係整容嘅葉翠翠喎，衰衰…… ，之後睇電視睇到1:30am訓教 !!!

今日係我農曆生日呀 !!!