朝早起左身，比平時又遲左10分鐘起身，之後咪好快咁刷牙&洗面&換校服，之後咪返學校囉!!!返到學校，咁又要集隊 !!!之後我地上科學堂，不過唔係講書，而係對考試卷，我有……92/120，係全班最高分 !!!之後咪小息囉!!!之後我地上英文堂，Miss叫我地填問卷，之後都係對卷，唉……聆聽得33/84，唔合格 ，卷一(作文)啲A part有30/60，好開心啦 ，因為合格，點知……仲有B part，得12/40，A&B prat加埋係……42/100，又唔合格 ，之後卷二(G.E)得34/110，又唔合格 ，三份卷都唔合格呀 ，不過我已經盡左力，比之前啲英文考試成績好左 !!!之後就放學啦，我&譚叔去左地理室聽馬力sir講我地中四做學長D野，之後譚叔唔想去7月14日幫手做野，但係我想去，咁我就填埋譚叔個名，仲唔俾佢改返 !!!之後我去左家長資源室開會，到12:45pm就離開果度返屋企食飯，咁我今日自己煎蛋食!!!之後2:30pm同老豆去金獅花園第一期B座19樓2室，因為果度裝修，咁就幫一個叔叔手做野，個叔叔將D擦左落黎啲~泥頭~剷o係個車仔度，咁我就推住架車，由19樓坐升降機落地下再推一段路去垃圾站到左去，之後就上返去，來回三次，之後個叔叔俾左140蚊老豆，老豆俾左我 ，之後4:30pm離開果度，老豆去買馬，我就返屋企，返到屋企我就打日記 !!!