朝早起左身，咪又係刷牙&洗面&換校服，之後咪返學校囉!!!第1堂係英文堂，Miss無上我地堂，揾左鬼佬……亞Jeff黎代我地堂，佢俾左Ｄ工作紙我地做，我自己一個人做一張，好難 !!!第2堂係地理堂，Miss派上次o的小測，我得13/20分，唉……無溫書係咁啦 !!!第3&4堂係科學堂，亞sir俾我地睇ETV，睇ETV果陣，區浩勤托住頭o係度訓 ，佢訓個樣好搞笑 ，D同學睇到咪笑佢囉，之後睇完ETV，亞sir派工作紙俾我地做，之後有人射 馬紙!!!第5堂係數學堂，亞sir又叫我地做數，咁我見係最後o的一堂，咪好乖咁做囉 !!!第6堂係中文堂，Miss同我地做筆記D答案&派小測，我小測得15/30分，岩岩合格 ，之後Miss叫D人出去黑板默字，男仔對女仔，我同康婷寫~板凳~，但係康婷唔識寫，我識寫，幫男子隊攞左一分 ，之後我地男子隊又攞多兩分，已3比0打敗女子隊 !!!食完飯之後，我去男廁洗(慈巾)，洗完咪諗住出返黎，點知吳玉觀叫梁兆翔推住個門唔好俾我出，吳玉觀&謝振強重用水潑我，之後我想用水潑返佢地果陣，鄭sir入左黎，重捉左我&吳玉觀&謝振強&梁兆翔出去走廊罰企 ，之後放Lunch小息果陣，鄭sir捉我地四個去005室附近寫事件記錄 ，寫完之後重要我地罰抄 ，不過我抄少D ，之後Miss區行過，重要我地抄多兩次俾佢 ，重要係放學之前交俾佢，我同Miss講:我第一次，唔洗抄得唔得，Miss就話俾我抄一次 ，之後要上堂，我地重未抄完，亞sir叫我地放學落黎繼續抄!!!第7&8堂係電腦堂，亞sir講完考試Ｄ野，我就o係度抄罰抄，之後亞sir俾我地自由活動 ，咁我就send D野去Yahoo E-mail!!之後放學，我&吳俊峰&吳玉觀&梁子輝&謝振強&李政浩&劉承恩&梁兆翔&黃廣俊上3E搬枱凳，上到去，Miss未上黎，我地又玩 馬紙 ，之後Miss上左黎咪唔玩，之前KK&張煥烶&囡囡&羅丹已經o係班房，KK跌左右邊眼o的隱形眼鏡落地，重要自己踩爛埋 !!!搬完枱凳之後咪交罰抄俾Miss囉，本身要落去抄罰抄俾鄭sir，不過我地果四個都唔去!!!之後我就返屋企，我返到屋企，媽咪問我有無交Ｄ野俾Miss，我唔記得交，就返學校交返，交完就返屋企玩電腦&打日記囉 !!!夜晚無食飯，因為……減緊肥!!!