朝早7:25am起左身，咪又係刷牙&洗面&換校服。之後咪返學校囉!!!返學途中我見到Q版殺手&Naddy ，之後同佢地傾左幾句，返到學校，同D朋友傾計，傾侵日馬騮(鄭騏穎)將~吹啤~&~收爹~講成~吹爹~哈哈 。之後就要去集隊上去禮堂學科測驗!!!第一科係中文科，我唔多夠時間測 。之後係英文科，我一見到D英文就眼訓，我一邊訓下 ，一邊填下，我填選擇題果陣就點指兵兵，作文方面就……緊係無做啦 ，之後我咪除左眼鏡，訓覺囉 ，訓完起身，我見到D人伏低哂，但係……仲見到Q版殺手隻手不停咁填，好似電動摩打手，嚇親我呀 !!!之後就小息，小完息就測數學科，我填完之後仲有時間靜，不過我無訓，因為之前英文果陣訓左，好精神 !!!測完之後我返屋企食飯，食完飯之後，1:50pm就同譚叔&馬騮&何b(何家平)&Fat子(鄧建倫)去善心樓附近的足球場踢波 !!!之後去左7-eleven買野喝，馬騮&何b走左，我地三個去田心足球場踢 ，隔左一陣，李政浩＆短人(郭啟豪)黎左，咁咪一齊踢囉!!!到左4:15pm譚叔走，我地就跟住走，返到屋企，我沖涼，沖完涼好舒服 ，之後就同Q版殺手(張煥烶)o係Yahoo  messenger 傾計＆我打日記囉!!!