今日7:30am起身，之後咪又係梳洗&換校服&返學校囉!!!

第一&二堂係數學堂，Miss未黎果時咪喺度訓囉 ，訓到Miss黎到就醒 ，原來Miss冇返 ，有個Miss代堂，咁咪做數學書D題目囉，新同學做得最快，我第二 ，譚叔第三，何B第四，之後等埋D人做完就小測 ，好易姐 ，好快就測完 ，之後見到譚叔唔係幾識做就忍唔住教左佢5分 !!!

第三堂係歷史堂，本來想叫亞sir睇埋上次未睇完嘅~天國驕雄~，不過亞sir話上次俾校長見到我地睇劇 ，問做咩唔教書喎 ，咁亞sir就唔播 ，咁就教蘇聯囉 !!!

第四堂係電腦堂，亞sir教新一課書 ，教HTML，姐係教寫網頁程式 ，我諗遲D我個日記會再靚D姐 !!!

第五&六堂係英文堂，亞sir派英文作文卷，份卷總分係100分，A Prat我有38/100佔總分嘅40%，B Prat我有43/100佔總分嘅60%，兩Prat得分係41/100，所以係pass ，哈哈……有史以黎第一次英文作文合格 ，不過係緊緊合格 ，因為中三考英文果時，謝麗芳老師叫我地唔識都亂填落去，點都有d分，所以我咪亂填囉 ，估唔到咁都合格喎 ，譚叔就低過我啦 ，不過佢fail ，之後就教寫信!!!

之後就屋企食飯，食完1:40pm就返學校!!!

第七堂係班主任堂，亞sir竟然話要閱讀分享喎 ，之前又唔講 ，不過好彩唔係到我 ，馮建威講魚，搞到好搞笑 ，之後何b就借左貓so本~Q版特工--複製殺手~黎講，佢照住本書講，亞sir就問佢睇左本書幾內，之後佢答佢睇左一分鐘，哈哈…… ，之後亞sir又問佢~講書平係照住講嘅咩~，佢就話~乜唔係嘅咩~，哈哈…… ，之後亞sir話之前成日收過我果D書 ，D書仲好似樣 ，我知亞sir想叫我出黎講就即刻用隻手摭住個面 ，點知譚叔竟然指我出黎 ，之後亞sir就叫我出黎講 ，咁我就唔出 ，全班就叫我出 ，譚叔仲九 ，佢不斷咁推我出去，亞sir就話~原來譚建華係D咁嘅人，係咁推自己D朋友出去斷頭台~ ，咁件事就告一段落，何b就洗講，消搖法外啦……

第八&九堂係中文堂，亞sir要我地作中文考試D題目嘅文 ，咁我就揀返~記一次難忘的旅程~!!!

之後放學就同鐘建旭落去見老陳，因為之前中文亞sir未黎之前我俾陳芷倫鎖左個鎖喺條褲度 ，個鎖個鐘建旭嘅，不過佢又唔開返 ，咁我咪同佢搵老陳，之後冇罰到佢，咁我就去家資，之後去子輝屋企打機!!!