2009 年 4 月 21 日  星期二  

2008 年 9 月 30 日  星期二  

 我終于確定左喇...

啊亮,真係出左國...佢依傢係外國讀緊書...

佢變左好多...我好想"小班生"尼個名屬于佢,而唔係"壞學生"!

究竟係米因爲我呢?可笑,我有個個甘樣嘅本事咩!

3年喇,點解我都仲係放唔低尼段甘傷自己嘅感情???

不過,正因爲尼段感情,先等我變得成熟,明白.

依傢我同老竇老母嘅感情越黎越好,我真係好開心,雖然,我明白我冇可能好似D同學甘樣同嗲地媽咪一齊好似朋友甘,但係,我已經心滿意足!!

依傢,我最希望細佬可以快D生生性性,明白老竇老母嘅苦心,唔好激佢地,做佢地想我地做嘅野,一家人開開心心,唔好成日嘈交!

仲有,希望彤彤都係,二表姐真係好錫彤彤,佢好擔心彤彤學壞,我都係,我已經係一個版,我錯過喇....我明白個種痛,希望佢地都可以明白--天下父母心!

P.S:

TO彤彤:

彤彤,轉眼間妳就已經係個初二生喇~~其實講真喇,我真係好羨慕你,從細到大我都真係好羡慕你....
你係你嗲的媽咪嘅心肝頂,祇要係你想要嘅佢地一定會盡可能滿足你嘅要求,就好似尼幾年甘:你話你想要手機,就好似我嗲的媽咪一樣,覺得我地唔應該擁有,但係你一發脾氣,佢地心入邊都已經投灑降,貴貴都買俾你,佢地唔在乎價錢,祇在乎你開心與否!你想要手提電腦,妳想要私人空間...祇要係你想要嘅,你嗲的媽咪都會盡佢地最大努力滿足你...天下父母心啊...
彤彤,作爲一個過來人,我真係真心同你講一句,唔好同你媽咪頂嘴,唔好響學校同老師頂嘴,做翻一個妳媽咪嘅乖女.
時間系度一秒一秒甘過去,千金難買一回頭,唔知你有冇發現?當妳媽咪每次鬧你個陣時,佢眼眶都係紅紅,表情雖然好堅定,但係佢對眼仲係透露出佢個心滴緊血...因爲佢真係唔係想鬧你,但係佢亦都明白:棒下出孝子,佢唔出棒,淨係出口,可見佢有幾錫你.
我真係唔想你第日後悔,我唔係以錶姨身份同你講尼番話,而係以一個過來人嘅身份同你講,希望你明白!

2008 年 9 月 22 日  星期一  

 琴日被向濤嚇死!!!

我做做下作業,突然之間行埋黎問我D功課識唔識做,有咩唔明...嚇到我...

死喇....都唔知老豆又同係米又同老師講左D咩,或者又行賄....

我真係好討厭甘樣....

我真係想做翻一個普普通通嘅學生,我想靠我嘅實力...而唔係老豆!!!

2008 年 9 月 21 日  星期日  

原本,今日係2&2 Surper Dady大聚會...

但係..首先,千斤學校唔放人,跟住死梁慧晶阿媽唔俾...唉..有得一個就必定有二...接二連三甘詩韵,馬蘭,伊梨,最後得7個人!

我地包車居然同埋曾倩同埋佢條仔...睇住佢地甘恩愛...好掛住啊亮..雖然個次出街...

不過大家一齊出去野野原食飯,一齊行街,我都覺得好好!!!

但係,我唔like同Sue一起出去,佢成日淨係顧住自己,都唔理大家嘅感覺!!!!仲成日系度癡身癡世!!!

好煩,好煩,好討厭!!!

不過,總體黎講,今日都係開心嘅~~~~

2008 年 9 月 14 日  星期日  

 究竟尼個世界fair唔fair???

我同細佬同一條腸,點解可以甘唔同???

雖然我明白老竇同阿媽點解甘就佢,但係始終心入邊都有條刺....

我仲記得,細細個個陣時,姑姑成日問我:"爹地同媽咪錫你地邊個多D?"講真啊,我真係feel到嫁,自細我就已經feel到,老竇同阿媽係錫家姐同細佬多D.

俗語都有話喇"拉仔拉心肝",家姐係老竇同阿媽嘅第一個愛情結晶,多多少少都係有D....
而且阿媽同我講過,阿媽後生個陣係好想生個仔,佢睇住D親戚朋友個個都生仔,有D甚至係兩胎都係仔,佢真係好羨慕,所以先會冇左以前分工(老竇同阿媽以前系國營單位做野)...

其實我真係好內疚...點解我唔係個仔,阿媽為左我冇左份工,同老竇兩個人辛辛苦苦由零開始,但係到頭來得個吉....我係個女..

但係,細佬仔好天真嫁嘛,而且仲好認真,所以一直都好憎細佬,好憎家姐,點解老竇同阿媽錫佢地甘多,而我從細就已經獨立,一有咩唔開心嘅野就靜靜雞行入廁所哭,仲要係唔可以哭出聲,唔可以俾人知道...就好似依傢甘....真係好痛苦,好辛苦...

直到,老竇送我去三鑫,一開頭,我真係好開心,因爲我知道去讀寄宿一個星期先翻屋企一次,老竇同阿媽可能會因爲見得我少而錫我多D...

但其實,我係錯嫁!就系我第一次系三鑫坐校車翻屋企個次,可能途中塞車,耽誤左D時間,而我就一覺訓到翻小欖,差唔多到假日個陣時,我離遠就見到成大班家長系到等到頸都長灑,一開埋去,都未泊好,D家長就已經追車搵仔搵女,就系尼甘混亂嘅人群入邊我發現佢,阿媽,個陣時我見到佢兩隻眼都紅灑,仲有眼淚...同埋一接到我就即刻抓實我隻手...個一次,我念我尼世都唔會忘記...因爲個次係我記憶中第一次覺得阿媽係錫我....

跟住,我系五年級個陣時,好努力好努力讀書,為嘅就係爭取每次翻去都可以攞到獎狀翻去氹到老竇同阿媽開心,等佢地叫下細佬學下我,等家姐贊下我...

但係,慢慢我開始發覺,一旦放長假,我就會返回原型...

直到,我識得伊梨,我真係好羡慕好羨慕佢同佢阿媽嘅感情...兩個真係好似朋友甘,咩都可以講...我唔可以,因爲我知道,如果我同老竇阿媽講老師壞話,佢地會話翻我錯,講一大條道理,陳年舊史...我一直都好想搞好同老竇阿媽D感情~~但係都徒勞...

尼幾年,細佬越變越衰,但係我睇住老竇阿媽越來越做得辛苦,越來越就細佬...

我個心真係好痛好痛,點解老竇阿媽甘錫細佬而細佬就一次又一次hurt老竇阿媽...

今日我地原本念住去唱K,細佬一早就去左,同班同學一起去對啤,飲醉灑;仲狂講大話....

好煩,好煩!!!點解有人身在福中不知福...留得旁眼人妒忌,心痛,傷心....